SECTIONS

MAYOR ZAYCO NEGATIBO SA COVID-19

  • at 5:40 pm
Share on facebook
Share on google
Share on pinterest
Share on twitter
Share on print

Negatibo sa Covid-19 si Mayor Pedro Zayco sang syudad sang Kabankalan.

Ini ang gin-anunsiyo ni Kabankalan Public Information Head Jake Carlyne Gonzales, nga resulta sang RT-PCR test sang alkalde.

Nobyembre 20, 2020, sang magpa swab test si Zayco kadungan sa mga empleyado sang City Assessor’s Office kag City Mayor’s Office.

Ini matapos magpositibo sa virus ang 7 ka mga empleyado sang City Engineers Office sadtong Nobyembre 17.

Ginklaro pa ni Gonzales nga ang mga empleyado lamang nga masami nagatransaksyon sa city hall ang gina-obligar nga magpaidalom sa swab test.

Dugang pa ni Gonzales, nagaimplementar man ang syudad sang skeletal workforce paagi sa work-from-home arrangement, agud maprotektahan ang mga government workers. | Aksyon Marlon Genovea

MAAKOMODAR SA BOSS NAGSAKA SA 500 KADA ADLAW

January 18, 2021

Nagsaka na sa 500 ka mga tawo ang ma akomodar sang Bacolod Permits and Licensing Office (PLO) sa nagapadayon nga Business One Stop Shop sa Ayala Malls Capitol Central.

Suno kay Stela Rose Rayos, pamuno sang PLO, nagligad nga Enero 11 sang ila ginpasakaan ang numero sang mga kliyente nga nagaproseso sang business permit humalin sa 300 pakadto sa 500.

Dugang pa ni Rayos, sa karon, wala sang mga mayor nga reklamo nga nabaton ang ila talatapan sa nagapadayon nga aktibidad.

Nagpasiguro man si Rayos nga istrikto man nga ginamonitor ang attendance sang mga Barangay sa BOSS para sa pagisyu sang Barangay Clearance.

Tinalikdan nga Biernes, may pito ka mga Barangay nga wala sang tiglawas sa BOSS.

Nagapakita man sa datus sang PLO, nga mas madamo ang nagapa appointment walk-in sa Ayala Mall kag Bacolod Government Center ikomparar sa Online.

May yara na sang 10, 750 ang narehistro nga Negosyo sa Bacolod tubtob Enero 15.

Ang BOSS ang magalawig tubtob Marso 31, 2021. | Aksyon Dale Salazar

BABAYE PILASON SANG GINBUNO SANG LIMA KA BESES

January 18, 2021

Nakaangkon sang lima ka pilas ang isa ka babaye matapos ginbuno sa President Osmena Street, Don Juan Subdivision, Barangay 2, Syudad sang San Carlos.

Ang biktima ginkilala kay Angelou Olavia, 27 anyos, dalaga kag nagapuyo sa amo man nga lugar.

Base sang imbestigasyon sang San Carlos PNP, nagsulod sa compound sang boardinghouse ni Olavia ang wala makilala nga suspetsado kag sang ginpamangkot ini hinali lang siya nga gintapungol kag ginbuno.

Suno kay Olavia, mahimo sini makilala ang suspetsado kun liwat nga makit-an.

Padayon ginabulong sa hospital ang biktima kag gina-imbestigahan pa sang tul-id ang motibo sang pagbuno. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.