MAYOR YULO NAG KLARO NGA KONTROLADO ANG PAG DAGSA SANG TAWO SA BAGO CITY COLISEUM SA TAGTAGANAY SANG AYUDA SANG DSWD

Share on facebook
Share on google
Share on pinterest
Share on twitter
Share on print

Ginklaro ni Mayor Nicholas Yulo nga kontrolado kag wala man sang gintuga nga problema ang pagdagsa sang mga tawo sa Bago City Coliseum and Cultural Center ,  agud magkuha sang bulig pinansiyal nga unconditional cash transfers (UCT) sang Department of Social Welfare and Development (DSWD).

Suno kay Yulo, normal lamang nga magtipon ang mga benepisyaryo sang sini nga programa  bangud kinahanglan man sang mga ini nga makabaton sang ayuda sa ginasuprer nga  kapigaduhon tuga sang krisis sang Covid-19.

Ginpanawagan sang alkalde sa mga benepisyaryo nga sundon ang health kag safety protocols , ilabi na ang social kag physical distancing. 

Ang UCT ang isa ka outright subsidy nga programa sang DSWD para sa mga pigado nga naapektohan sa impact sang  excise tax sa fuel kag sugar.

Ini ang gin-umpisahan sadtong 2018  kag kabahin sa social mitigation program sang Duterte administration sa idalom sang  Tax Reform for Acceleration and Inclusion Act (TRAIN).

Sa kabug-usan ang syudad ang may 305 ka mga confirmed cases, 281 recovered patients, kag 12 ang napatay. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.