MAYOR TUBILLARA NAGA PATI NGA NALATNAN SANG ILOY ANG IYA WALO KA BULAN NGA BATA NGA NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Nagapati si Municipal Mayor Dr. Jilson Tubillara nga nalatnan sang 24 anyos nga iloy sang Covid-19 ang walo ka bulan sini nga bata, nga amo ang Covid patient no. 3 sa banwa sang San Enrique.

Suno kay Tubillara, una nga nagpositibo sa virus ang iloy kag ginpaidalom sa estrikto nga home quarantine sa Brgy. Guintorilan San Enrique.

Dugang pa sang alkalde, mabudlay na para sa iloy nga magbiya sa iya bata bangud ini ang padayon pa nga naga-breastfeed.

Apang ginklaro ni Tubillara, nga nag-ayo na ang iloy nga amo ang Covid patient no. 1 sa banwa, matapos magnegatibo ang repeat RT-PCR tests.

Suno sa alkalde, malayu sa iban nga panimalay ang puluy-an sang mag-iloy nga ginabantayan sang mga barangay Tanod kag ginadul-ungan man bulig sang banwa.

Ang mag-iloy nga LSIs halin sa Manila, ang nag-abot sa Negros Occidental sang Hunyo 18 kag ginpaidalom sa quarantine.

Hulyo 14 sang magpositibo sa Covid-19 ang bata, kag kalakip sa 11 ka mga nagdugang nga confirmed cases sa Negros Occidental. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.