MAYOR SARA DUTERTE NAGDONAR SANG RT-PCR MACHINE SA BACOLOD

Share on facebook
Share on google
Share on pinterest
Share on twitter
Share on print
(Bacolod PIO Photo, May 3, 2021)

Nagbaton ang LGU sang Bacolod sang isa ka RT-PCR Machine nga may 20 ka sampling kits gikan kay Davao Mayor Sara Duterte.

Ang machine ang ginbaton ni Mayor Evelio Leonardia upod si Vice Mayor El Cid Familiara, City Administrator Em Ang kag iban pa nga opisyal kag department head sa Bacolod Silay Airport sadtong Lunes, Mayo 3.

Suno kay Leonardia, dako nga bulig ang RT-PCR Machine ilabi na nga may yara sang pagsaka sang Covid-19 cases sa syudad kag mas kinahanglan sa karon ang testing.

Nagpasalamat si Leonardia kay Duterte sa pagulikid sa mga taga Bacolod.

Para naman kay Vice Mayor El Cid Familiaran, ini ang maga resulta sa mas madasig nga pagwa sang resulta sang Covid-19 testing. | Aksyon Dale Salazar

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

VACCINATION KONTRA COVID-19 SA AYALA MALL NAG UMPISA NA

(Bacolod PIO Photo, May 8, 2021)

Ginkalipay ni City Administrator kag EOC Executive Director Em Ang nga nangin matawhay ang vaccination activity karon nga adlaw sa Ayala Mall.

Suno kay Ang, husto ang desisyon nga ginhimo sang EOC nga indi dapat pagtugutan nga maka pabakuna ukon akomodahon ang pila ka mga indibidwal nga wala maka pa rehistro ukon gina kabig nga mga walk in applicants.

Dugang pa ni Ang, ini na ang estratehiya nga ila paga gamiton umpisa sa masunod nga semana angut sa naga padayon nga vaccination program sang syudad.

Base sa plano sang EOC, yara lamang sa 200 ka mga indibidwal ang ila plano nga akomodahon kada adlaw para malikawan ang pag ginutok sang publiko ilabi na sa mga mall nga ila gin utilize bilang vaccination center. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.