MAYOR MONTILLA NAG APILAR SANG KOOPERASYON SA PUBLIKO; ANAY MAYOR MALABOR NAGA PANINDUGAN NGA SIYA ANG NAG DAUG SA ELEKSYON

Share on facebook
Share on pinterest
Share on twitter
Share on print

Nag-apelar sang kooperasyon si Isabela Mayor Irene Montilla sa mga oposisyon, matapos magpabor sa iya ang petition for recount nga ginpasaka sa korte.

Suno kay Montilla, pareho lamang nga gina ipit ang iya administrasyon bangud madamo sang mga resolusyon nga wala maaprobahan ang Sangguniang Bayan.

Gin-ako sang alkalde nga disgustado siya sa nagakatabo sa ila banwa, bangud tatlo lamang sa walo ka mga kunsehal ang iya kaalyado.

Dugang pa ni Montilla, ginabalewala lamang sang mga oposisyon ang iya ginahingyo nga paathag angot sa atrasado nga pag aprobar sa supplemental budget. Magluwas sini, wala man maaprobahan ang pondo para sa reprogramming sa Municipal Disaster Risk Reduction and Management Council.

Ginapanindugan ni anay Isabela Municipal Mayor Joselito Malabor nga abanse siya sang 62 ka boto, sa mano mano nga pag isip sang mga boto nga ila nakuha sang iya kasumpong nga si Montilla nagligad nga eleksyon.

Suno kay Malabor, lain ang appreciation ni La Carlota City Regional Trial Court Branch 74 Judge Mila Yap-Camiso sa resulta sang isipay, gani nagdesisyon sila nga pauntaton na lamang ini.

Ginpahayag pa sang alkalde, nga madamo sang mga balota nga may 25% shading threshold ang mga botante kag nagboto sa iya, apang wala ginkonsiderar.

Dugang pa ni Malabor, nag file na sila sang apelasyon sa korte nga amo ang magapadala sang apelasyon sa Comelec Manila.

Sa 37 ka mga ginpetisyonan nga clustered precincts, 24 lamang sa mga ini ang naisip sa diin nag abanse na lamang sang 22 ka boto si Montilla. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.