MAYOR LEONARDIA NAGBULGAR MADUGAY NA NIYA LUYAG ILISAN SI EBREO

Share on facebook
Share on google
Share on pinterest
Share on twitter
Share on print

Ginbulgar ni Bacolod City Mayor Evelio Leonardia madugay na siya nagpangabay sadto pa kay anay PNP Regional Director Cesar Hawthorne Binag nga i-relieve si anay Bacolod City Police Office Acting Director Senior Superintendent Francisco Ebreo.

Ginpahayag ni Leonardia sa press conference sang Enero 14, sadto pang Mayo 2018 sang nagpangabay sila ni Congressman Greg Gasataya nga ilisan ang liderato sa Bacolod City Police Office bangud indi na siya komportable sa sitwasyon nga gin alegar ginabisita ni Abang Lingkod Representstive Stephen Paduano kag Councilor Ricardo Tan si Ebreo nga wala siya ginapahibalo.

Suno kay Leonardia, mabudlay nga mag upod sa isa ka Chief of Police nga wala ka sang kumpyansa.

Paathag pa ni Leonardia, may mga pagbalasa man sang station commanders sa syudad nga ginpatuman si Ebreo pero wala siya napahibalo.

Suno pa sa Alkalde, ginkuha man ang pulis nga na-assign sa City Legal Office Enforcement Team kag Task Force Botagoy rason nga naapektuhan ang ila operation.

Indi naman luyag magkomento si Leonardia angut sa rebelasyon ni Presidente Rodrigo Duterte nga gin alegar konektado sa droga si Ebreo, kaupod ang apat pa ka pulis opisyal kag si Councilor Tan bangud suno sa iya ini ang police matter kag mas maayo nga hulaton na lamang ang development. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.