MAYOR JAOJOCO MAGA PANGITA SANG BALAY NGA RENTAHAN PARA TINIRAN SANG MGA TAGA TOBOSO NGA MAY PASYENTE SA CLMMRH

Share on facebook
Share on pinterest
Share on twitter
Share on print

Maga pangita si Toboso Mayor Richard Jaojoco sang balay nga ma rentahan sa syudad sang Bacolod para sa mga taga Toboso nga may pasyente sa Corazon Locsin Montelibano Memorial Regional Hospital (CLMMRH).

Una na nga gina dilian sang hospital ang mga watcher nga mag sulod sa hospital bilang precautionary measure kontra Covid-19.

Sa interview sang Aksyon Firing Line, gin pahayag ni Jaojoco, nalooy ini sa mga pasyente nga gikan pa sa iban nga sitio kaangay na lamang sa ila nga banwa nga malayo.

Suno sa Alkalde, base sa ila nga monitoring, wala pa sang taga Toboso nga may pasyente sa hospital pero may sistema na enkaso nga may residente nga mag pangayo sang bulig.

Bukas man ang Alkalde nga mag pahamtang sang tent enkaso nga may mga tag-iya sang propedad nga magsugot nga patindugan sini.

Nanawagan si Jaojoco nga mag pakigangut sa kapitan sa ila banwa ukon sa iya mismo kon may pasyente sila sa CLMMRH.

Ang Alkalde ang ma contact sa 09175551898 kag ini ang maga padulong sa Bacolod bwas nga adlaw, Biernes.

Samtang, may gina patuman man ang LGU sang Toboso nga programa nga “module baylo bugas.”

What’s your Reaction?
+1
0
+1
0
+1
0
+1
0
+1
0
+1
0
+1
0

GALIDO GINDESIGNAR NGA OIC SANG NOCPIAS

Nagpungko na karon nga adlaw bilang officer-in-charge sang Negros Occ. Provincial Internal Affair Service (NOCPIAS) si Police Chief Master Sgt. Calixto Galido Jr. matapos nagretiro si PEMS Ramie Bando.

Suno kay Galido, si Bando ang nagretiro matapos nalab-ot sini ang mandatory age of retirement.

Dugang pa ni Galido, sa direktiba ni RIAS6 PLt. Col. Jomarie Occeño pagatutukan sini ang pagpatigayon sang spot inspection sa tagsa ka mga police stations sa syudad sang Bacolod kag probinsya nalakip na dire ang pagpatigayon sang motopropio investigation sa mga “erring police officers”.

Pagatutukan man ni Galido ang red teaming inspection sa tagsa ka mga police stations kag ang cusoudial facilities para sa mga Persons Under Police Costudy (PUPC).

Nagaapelar man si Galido sa kapulisan nga ipatuman ang Police Operational Procedure nga nagaserbi bilang talamdan sang kapulisan agud mangin epektibo nga law enforcers.

What’s your Reaction?
+1
0
+1
0
+1
0
+1
0
+1
0
+1
0
+1
0

GOV. LACSON SA LGUs: ISTRIKTO NGA IPATUMAN ANG ENVIRONMENTAL LAWS

Ginpanawagan ni Governor Bong Lacson sa mga local government units (LGUs) nga istriktuhon ang pagpatuman sang environmental laws, labi na sa mga protected areas sa Negros Occidental.

Ini matapos matukiban ang ginpatukod kag operasyon sang resort sa Chocolate Hills Bohol nga isa ka protected area sa idalom sang Proclamation No. 1037 kag National Integrated Protected Areas System (NIPAS) Act of 1992.

Suno kay Lacson , ang mga estraktura ukon negosyo nga ginpatukod sa Don Salvador Benedicto nga sakop sang Northern Negros Natural Park kag ginproklamar nga Protected Area, ang kabahin lamang sa development sang banwa.

Nagapati ang gobernador, nga wala ginatugutan sang banwa ang mga illegal structures kag negosyo nga wala sang nagakaigo nga business permit.

Nagligad nga semana, nagtukod sang special investigation team ang Department of Interior and Local Government (DILG) agud imbestigahan kun may salabton ang mga lokal nga opisyal sa isyu nga pagtukod sang resort sa Chocolate Hills.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.