MAYOR GUSTILO MAGAPANGABAY SANG ECQ SA TION NGA MAGPADAYON ANG PAGSAKA ANG COVID-19 CASES

Share on facebook
Share on google
Share on pinterest
Share on twitter
Share on print
(Paghinun-anon ni Mayor Gustilo sa Barangay Guadaluepa. | San Carlos PIO Photo)

Posible maga-pangabay sang Enhanced Community Quarantine (ECQ) ukon General Community Quarantine (GCQ) si San Carlos City Mayor Rene Gustilo kun padayon ang pagsaka sang COVID-19 cases sa siudad.

Sa interview sa Aksyon Hotline, ginpahayag ni Gustilo nga kun padayon ang pagsaka sang COVID-19 cases kag may budget lang ang ila siudad iya nalang ini ipaidalom sa total lockdown. 

Sa pinaka-latest nga record, tubtub sang Abril 5, 21 ka mga kaso ang nadugang sa siudad nga nag-resulta sa kabilugan nga 140 ka aktibo nga kaso. 

Suno kay Gustilo, ini na ang pinaka mataas nga na-record sa siudad sang nag-umpisa ang pandemya nagligad nga tuig. 

Ang siudad sang San Carlos man ang may pinakamadamo nga aktibo nga kaso sang COVID-19 sa karun sa bilog nga probinsya sang Negros Occidental. | Aksyon Dorel Cabatu

BACOLOD GINA FINALIZE ANG PAGLIGWAT SA REGULASYON SA LIQUOR BAN

Gina tapos na lamang sang komitiba ang pag dihon sang Executive Order nga naga tuyo sa pag ligwat sang liquor ban nga regulasyon sa syudad sang Bacolod.

Suno kay City Legal Officer Atty. Joselito Bayatan, wala gid man sang dako nga pagbag-o sa amo nga regulasyon magluwas sa pag suspend sang gradual permission nga gin hatag sang syudad sa pila ka mga negosyante nga gin tugutan sa pag serbe sang ilimnon ilabi na sa mga hotel kag restaurant.

Dugang pa ni Bayatan, mahimo sa gihapon nga maka bakal sang ilimnon ang publiko apang base lamang sa gin talana nga tiyempo kag dapat patigayunon lamang sa sulod sang puluy-an kag indi sa pampubliko nga lugar.

Sa idalum sang existing nga regulasyon, pwede makaserbe kag makainom sa pila ka mga establisamento umpisa las 6 tubtob las 9 sang gab-i, samtang ginatugutan ang pagbakal sang ilimnon humalin las 12 sang udto tubtob las 6 sang gab-i pero mag inom sa pribado nga lugar. | Aksyon Art Tayhopon

MAG AMAY GINBUNO, PILASON

Ginabulong karon sa Vicente Gustilo District Hospital ang mag-amay matapos ginbuno sa sulod sang Flor Rice and Feeds Supply Store sa Escalante Shopping Center, Barangay Balintawak syudad sang Escalante sang Byernes nga adlaw, Abril 9.

Ang mga biktima ginkilala sa ila nanday Teddy Flor, 42 anyos kag ang amay sini nga si Teody, 69 anyos, residente sang Purok Bagong Buhay 2, sa amo nga syudad.

Suno kay Lt Col. Gil John Despi, hepe sang Escalante PNP, pasado las 3 sang hapon, biyernes nag-inum sang tatlo ka botelya sang beer si Cerello Requiron,  43 anyos sa TMF Eatery,  apang wala nagbayad rason nga ini ang ginpalapitan ni Teddy Flor sa tuyo nga sukton kon tani, sa baylo ini siya ang ginbuno.

Nagdali-dali naman sa pagpalapit ang amay sini nga si Teody apang ginbuno man ni Requiron.

Sa follow up operation, nadakpan si Requiron kag karon nahunong na sa custodial facility sang Escalante City police station.| Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.