MAYOR ESCALANTE NAGA PATI NGA INDI HALIN SA CADIZ ANG VIRUS NGA NAKUHA SANG 65 ANYOS NGA LALAKI

Share on facebook
Share on google
Share on pinterest
Share on twitter
Share on print

Nagapati si Mayor Salvador Escalante Jr., nga indi sa syudad sang Cadiz kundi sa iban nga lugar nakuha sang 65 anyos nga panday, ang Covid-19.

Ini ang ginpahayag sang alkalde, matapos nagpositibo sa virus ang amo nga persona nga may travel history sa Cadiz City kag subong naka quarantine sa health facility sang Vallehermoso Negros Oriental.

Suno kay Escalante, Marso 15 sang ini ang mag abot sa Cadiz kag Mayo 19 na sang magpauli sa ila lugar sa Vallehermoso.

Ini ang ginkabig nga locally stranded individual kag ginpaidalom sa mandatory quarantine.

Mayo 21 sang ini ang magbatyag sang simtomas sang covid-19 kag nagpositibo sa RT-PCR test sadtong Hunyo 2.

Suno sa alkalde, posible nga nakuha sang pasyente ang virus samtang ini ang nagabiyahe.

Ginsiling pa ni Escalante nga ginkuhaan na sang swab specimen ang 11 ka mga naka close contact sang pasyente sa syudad sang Cadiz.

Nagalaom ang alkalde nga magnegatibo ang resulta sang test nga ipaguwa sang molecular biology laboratory sa syudad sang Silay. | Aksyon Marlon Genovea

MORE STORIES:

error: Ooops... You are not authorized to copy this content.