MAYOR ESCALANTE NAG PANUGYAN SA MGA CADIZNON NGA MAG BISITA SA PATYO SANG MAS TEMPRANO

Share on facebook
Share on pinterest
Share on twitter
Share on print

Gin-enganyo ni Cadiz City Mayor Salvador “Bading” Escalante Jr. ang mga pumuluyo sa ila syudad, nga magbisita sa sementeryo sang mas temprano, agud magduaw sa ila minatay.

Ini ang ginpahayag ni Escalante matapos mag-isyu sang Executive Order (EO) si Governor Bong Lacson, nga naga implementar sang temporaryo nga pagpasira sa mga pampubliko kag pribado nga sementeryo sa probinsiya, umpisa Oktobre 30 tubtub Nobyembre 2, 2020.

Suno kay Escalante, pwede nga makabisita sa patyo ang mga Cadiznon umpisa bulan sang Oktobre.

Nagapati ang alkalde nga luyag gid sang mga Filipino nga makabisita sa pantyon sang ila mga nagtaliwan nga himata, bangud naandan na ini nga tradisyon.

Ang Cadiz ang may 7 ka mga pampubliko kag 2 ka pribado nga sementeryo. Gin-isyu sang gobernador ang EO sadtong Setyembre 15, 2020, agud malikawan ang pagtililipon sang mga tawo sa patyo kag mapungan ang pagdamo sang kaso sang Covid-19. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

LIMA KA BTAO EMPLOYEES MAKA ISYU NA SANG LTO TICKETS

May lima na ka empleyado ang Bacolod Traffic Authority Office (BTAO) nga gin deputize sang Land Transportation Office 6.

Ang lima regular nga empleyado sang BTAO ang ginpaidalum sa seminar kag examination.

Ini sa pihak sang reklamo sang pila ka motorista nga ginalegar wala sang puder ang traffic enforcer nga mag kumpiskar sang driver’s license.

Ginpaathag ni Jose Antonio Robello, deputy head sang BTAO, may yara sang local ordinance ang Bacolod nga pwede maka kumpiskar ang traffic enforcer sang driver’s license.

Suno kay Robello, kon manindugan ang driver nga indi pag ihatag ang iya driver’s license, dire ipadala sang BTAO ang enforcer nga na deputize sang LTO.

Gin ehemplo ni Robello, nga kon LTO deputize ang maka isyu sang temporary operators permit ukon TOP mas mataas ang penalidad nga pagabayaran sang sa traffic citation ticket nga gina isyu sang BTAO.

May yara sang ID ang LTO deputized nga mga traffic enforcer. | BTAO Photo

What’s your Reaction?
+1
0
+1
0
+1
0
+1
0
+1
0
+1
0
+1
0

GALIDO GINDESIGNAR NGA OIC SANG NOCPIAS

Nagpungko na karon nga adlaw bilang officer-in-charge sang Negros Occ. Provincial Internal Affair Service (NOCPIAS) si Police Chief Master Sgt. Calixto Galido Jr. matapos nagretiro si PEMS Ramie Bando.

Suno kay Galido, si Bando ang nagretiro matapos nalab-ot sini ang mandatory age of retirement.

Dugang pa ni Galido, sa direktiba ni RIAS6 PLt. Col. Jomarie Occeño pagatutukan sini ang pagpatigayon sang spot inspection sa tagsa ka mga police stations sa syudad sang Bacolod kag probinsya nalakip na dire ang pagpatigayon sang motopropio investigation sa mga “erring police officers”.

Pagatutukan man ni Galido ang red teaming inspection sa tagsa ka mga police stations kag ang cusoudial facilities para sa mga Persons Under Police Costudy (PUPC).

Nagaapelar man si Galido sa kapulisan nga ipatuman ang Police Operational Procedure nga nagaserbi bilang talamdan sang kapulisan agud mangin epektibo nga law enforcers.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.