MAYOR ESCALANTE NAG MANDO SANG SUSPENSION SANG OFFICIAL TRAVEL SA GWA SANG CADIZ CITY

Share on facebook
Share on google
Share on pinterest
Share on twitter
Share on print

Ginmando ni Cadiz City Mayor Salvador Escalante Jr. ang temporaryo nga suspension sang tanan nga official travels sa gwa sang syudad.

Ginasaad sa Memorandum Order ni Escalante ang suspension ang tungod sa maka-alarma nga kaso sang local transmission sa COVID-19 sa isla sang Negros particular na sa syudad sang Bacolod.

Para naman sa pagdul-ong sang dokumento sa mga opisina sa gwa sang syudad, ang department heads kag empleyado ang gina-require nga ipaagi sa Philippine Postal Service ukon ano man nga private courier kag mahimo man nga ipaagi sa electronic mail.

Ginadumili man ang mga emlpeyado nga magpatigayun sang meeting sa ano nga government ukon private offices sa gwa sa syudad sang Cadiz kag sa baylo himuon na lamang online.

Wala nalakip sa mando ang emergency services, pasyente ukon LSI transport kag iban pa nga ang COVID-19 related inititative sang syudad apang kinahanglan nga ang tanan nga personnel magasuksuk sang Personnel Protective Equipment nga ihatag naman sang syudad paagi sa CHO kag DRRMO.

Sa pihak nga bahin, gin panugyan ni Sagay City Mayor Thirdy Marañon sa mga Sagaynon nga likawan temporaryo ang pagbiyahe padulong sa syudad sang Bacolod kon indi man importante.

Para naman sa mga Bacolodnon nga nagatrabaho sa syudad sang Sagay, ginapanugyan sang Alkalde nga mag-work from home na lamang agod malikawan nga matapikan sang virus. | Aksyon Ann Defensor

MORE STORIES:

ANU ANG IMO MA KOMENTO?