MAYOR BING WALA PA NABATON ANG REKLAMO BATUK KAY ANAY CHO HEAD GENSOLI

Share on facebook
Share on google
Share on pinterest
Share on twitter
Share on print

Wala pa nakabaton ang Emergency Operations Center ukon EOC sang Bacolod sang kopya sang reklamo batuk kay anay Health Officer Ma. Carmela Gensoli.

Sa press conference, gin pahayag ni Mayor Evelio Leonardia, nga indi sila kabahin sang imbestigasyon.

“In the first place, We do not have the copy of that complaint. We are not part of the investigation,” suno sa Alkalde.

Gin paathag ni Leonardia, si Retired Major General Mel Feliciano nga gin padala sang Malacañang sa Bacolod ang may yara sang kaugalingon nga mission, functions, duties and responsibilities kag otoridad.

Para kay Leonardia, ‘inappropriate’ nga mag hatag sang komento tubtob nga mabaton na nila ang kopya sang reklamo.

Gin klaro sang Alkalde, nga ila gin assign si Gensoli sa iban nga komitiba para matutukan ang plano sang syudad angut sa economic recovery program.

Sa nahibaluan, ang NBI Bacolod amo ang nag file sang reklamo sa City Prosecutor’s Office batuk kay Gensoli nga gin alegar nag lapas sa Mandatory Reporting of Notifiable Diseases and Health Events of Public Health Concern Act kag Bayanihan to Recover as One Act.

Ang reklamo ang angut sa gin alegar discrepencies sa pag report sang resulta sang Covid-19 testing sa Molecular Laboratory sa Corazon Locsin Montelibano Memorial Regional Hospital sa EOC sang syudad.

LALAKI, PATAY SANG GINALEGAR NAGBATO SANG SERBEHAN WARRANT OF ARREST

Patay ang 51 anyos nga lalaki matapos gin alegar nagbatu sa otoridad sa Purok Santa Rita, Brgy. Dulao, syudad sang Bago, Biernes sang gab-i, Enero 22.

Ginkilala ang napatay nga si Emmanuel Sampane, 51, residente sang Purok Michelle, Brgy Dulao sa amo nga syudad. 

Suno kay Col. Roger James Brillantes, tagpamuno sang regional internal affair service, si Sampane ang wanted sa kaso murder, kag madugay na nga nagapanago.

Tuyo sang operatiba nga iserbi ang mandamiento de aresto nga gin-issue ni Judge Alejandro  Marquez sang RTC 4th Judicial Region, Br 79, Morong, Rizal napetsahan Agosto 25, 1998.

Dugang pa ni Brillantes, samtang nagapadulong sa lugar ang mga otoridad upod sa mga katapo sang Anti-Kidnapping Group gikan sa Kampo Crame, NOCPPO PIU,  BCPO CIU kag iban pa nga pulis gikan sa Bago City Police Station, hinali na lamang sila nga ginpalukpan rason nga nagbalos ang operatiba.

Narekober sa lugar sang insedente ang gin-alegar mga armas ni Sampane nga amo ang isa ka .45 caliber pistol, isa ka 9mm pistol nga may 1 ka magazine kag walo ka mga bala, isa ka .38 cal revolver nga may 6 live ammos, isa ka motorsiklo kag iban pa. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.