Gin mando ni Bacolod Mayor Evelio Leonardia nga maga sira ang borders sang Bacolod para sa mga pasahero gikan sa Dumangas, probinsya sang Iloilo.
Ini ang gin anunsyo ni Leonardia matapos nga una gin palayag ni Iloilo Governor Arthur Defensor Jr nga temporaryo nga suspendido ang mga byahe humalin Bacolod padulong sa Dumangas.
Sa video message ni Leonardia, iya gin pahayag nga ang ini nga tikang ang isa ka porma sang reciprocation.
Ang reciprocation ang una nga natabo matapos nga gin anunsyo ni Iloilo City Mayor Jerry Treñas ang pag sira sang ila borders sa mga taga Bacolod, kag sa ulihe nag anunsyo si Leonardia nga sirado man ang borders sang syudad sa mga taga Iloilo City.
Naga laum si Leonardia nga ma intiendihan sang publiko ang reciprocation.