MAYOR BING NAGAHULAT SANG ANUNSIYO NI PRESIDENTE DUTERTE ANGOT SA QUARANTINE STATUS NGA IPATUMAN SA HUNYO 16

Share on facebook
Share on pinterest
Share on twitter
Share on print

Nagahulat si Bacolod City Mayor Evelio Leonardia sa iga-anunsiyo ni Presidente Rodrigo Duterte angot sa ipatuman nga quarantine measures sa syudad umpisa Hunyo 16.

Sa interview sa Aksyon Firing Line, ginpahayag ni Leonardia nga indi nila luyag pangunahan ang ano man nga desisyon sang gobyerno nasyunal agod may yara sang uniformity sa mga measure nga ipatuman.

Dugang pa ni Leonardia, may yara sang draft ang syudad angot sa mahimo ipatuman nga Post Community Quarantine apang ini tanan ang preparasyon pa lamang kag magadepende sa guidelines sang National IAFT.

Kaina sang hapon sang gin sapol ni Leonardia ang tanan nga Barangay Kapitan sa syudad angot sa mahimo pagdamo sang magapauli nga Locally Stranded Individuals kag Returning OFWs sa masunod nga inadlaw.

Suno sa alkalde, may direktiba na siya sa tanan nga kapitan nga i-activate ang Barangay Health Emergency Response Team ukon BHERT agod matutukan ang magapauli nga mga LSI kag returning OFWs.

Aminado si Leonardia nga kulangon ang quarantine facilities sa syudad kag dako ang tsansa nga kalabanan sa mga magapauli ang ipaidalom sa home quarantine.

Gindayaw naman ni Leonardia ang Bacolodnon tungod cautious na kag gilayon nga gina-report ang mga nagalapas sang quarantine measures.

Gindayaw man ni Leonardia ang apat ka punong barangay sa syudad angot sa madasig nga pag akto kag pagpatuman sang lockdown sa ila nasakupan nga lugar nga may narecord nga nagpositibo sa COVID-19.

Ang mga punong barangay ginabug-usan nanday Barangay Banago Captain Ricky Mijares, Barangay Villamonte Captain Romel Flores, Barangay Bata Captain Lito Abaring kag Barangay Alijis Captain Donny Dela Vega.

Ginpahayag sang alkalde nga indikasyon ini nga yara ang suporta sang tanan para sa ano man nga tikang nga himuon para sa ikaayo sang komunidad kag para malikawan ang paglapta sang virus. | Aksyon Ann Defensor

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA GINREKLAMO NGA NAGAPANAYA KAG NAGAPALUPOK SANG ARMAS, ARESTADO

Nakuhaan sang armas-luthang ang 33 anyos matapos ginserbihan sang search warrant sa banwa sang Binalbagan, Negros Occidental takna las 7:00 sang aga, Marso 27.

Ginkilala ang suspek nga si Honorato Ayco , wala sang trabaho kag residente sang Kauswagan Village, Brgy. Progreso, banwa sang Binalbagan.

Suno kay Police Major Randy Babor, hepe sang Binalbagan PNP, may gintayaan kag ginpalukpan sang armas-luthang si Ayco rason nga ini ang gin-monitor kag ginpasakaan sang reklamo.

Narekober sa balay sang suspek ang isa ka armas nga caliber .38 revolver nga loaded pa sang tatlo ka mga bala.

Si Ayco ang napriso na sadto bangud sa kaso nga estafa apang nakagwa pinaagi sa pagpiyansa.

Priso sa karon qng suspek sa custodial facility sang Binalbagan PNP kag pasakaan sang kaso sa paglapas sang RA 10591 ukon ang Comprehensive Firearms and Ammunition Regulation Act.

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.