MAYOR BING NAGA PANGAYO SANG PAG INTIENDE SA MGA NEGOSYANTE SA IPATUMAN NGA TIMPRANO NGA CURFEW

Share on facebook
Share on google
Share on pinterest
Share on twitter
Share on print

Naga pangayo si Bacolod Mayor Bing Leonardia sang pag intiende sa mga negosyante angut sa ipatuman nga mas timprano nga curfew las 8 sang gab-i tubtob las 4 sang kaagahon umpisa Agusto 9.

Sa interview sang Aksyon Radyo, gin pahayag ni Leonardia, nakahibalo ini nga may negosyante nga ma apektuhan sa ipatuman nga timprano nga curfew pero naga laum nga ila updan ang ini nga sakripisyon.

Suno sa Alkalde, dapat mag sakripisyo subong para sa mas safer ukon maayo nga palaabuton.
Naga pati si Leonardia nga kinahanglanon ang timprano nga curfew para ipalab-ot ang mensahe sa publiko ano sila ka seryoso lakip man ang sitwasyon.

Naga laum si Leonardia nga ang ini nga polisa ang makabulig para mapanubo ang Covid-19 cases sa syudad.

Gin klaro ni Leonardia nga ang gin papanaug sini nga Executive Order angut sa curfew ang may legal basis kasunod nga nalakip sa ordinansa ang probisyon nga naga hatag sa iya sang ‘executive prerogative’.

Samtang, suportado sang Metro Bacolod Chamber of Commerce and Inductry (MBCCI) ang mando ni Leonardia may angut sa pagtalana sang mas temprano nga curfew.

Nagapati si MBCCI Chief Executive Officer Frank Carbon nga para sa ikaayo sang mga pumuluyo ang mando sang alkalde.

Dugang pa ni Carbon, bangud sang padayon nga pagsaka sang mga local cases sang COVID-19 kinahanglanon na gid man sang mas hugot nga polisa kalakip diri ang sa hanay sang negosyo.

Tuman ka dako ang mangin epekto sang panibag-o nga mando sang alkalde ilabi na sa mga negosyo nga ang bulyada sang mga konsumedor masami kun kagab-ihon apang nagapati si Carbon nga may reserba nga plano ang mga negosyante.

Isa karun sa ginakahangawaan ni Carbon ang pagsaka sang unemployment rate sa syudad sang Bacolod bangud mahimo mapilitan ang mga negosyante nga buhinan ang mga empleyado kasunod sang pagdiotay man sang mga konsumedor bangud sang limitado nga business operating hours.

May angut sini, magahingyo si Carbon sa lokal nga panguluhan sang syudad kun mahimo makahatag sang financial interventions ukon anu man nga sahi sang bulig sa mga trabahante nga mahimo madulaan sang trabaho. | Aksyon Dale Salazar, Aksyon John Diaz

MORE STORIES:

LIKE US ON FB

error: Ooops... You are not authorized to copy this content.