Nag pangayo sang pasaylo si Bacolod Mayor Evelio Leonardia kay Jonathan Espinosa angut sa sala nga Covid-19 result nga gin palambot sa iya.
Si Espinosa ang isa ka Locally Stranded Individual nga una gin pabalo nga negatibo ang resulta sang test, kag liwat nga gin pabalo nga positibo ini sa virus kag naka pauli na sa iya nga balay.
Una nga gin post ni Espinosa ang iya istorya sa social media kag ini ang nag viral.
Sa press conference subong nga hapon Oktubre 19, gin pahayag ni Leonardia, nga iya na istorya ang nurse nga imbolbado kag nag paathag sang iya bahin.
Nag pangabay si Leonardia sa nurse nga imbolbado nga mag himo man sang official explanation.
“Apparently, it was an oversight which I apologized for together with all those involved. It was an honest mistake I believe nga natabo ato. Misreading or miscomprehension of the data that led to that,” suno kay Leonardia.
Suno sa Alkalde, ang nag luntad ang isa ka oversight, isa ka honest mitake ukon misreading ukon miscomprehension sang resulta.
Suno kay Leonardia, iya gin tawgan si Espinosa sa telepono kag nag pangayo sang pasaylo.
Plano ni Leonardia nga liwat istoryahon si Espinosa kag ipaathag ang natabo.
Suno sa Alkalde, main concern sa karon sang EOC nga indi na masulit ang ini nga hitabo.
“The most important now is that the EOC has taken note on that. They’re doing everything to see to it that it will not happen again amo na subong ang amon nga concern,” suno sa Alkalde. | Aksyon Dale Salazar