MAYOR BING LUYAG NGA IPATUMAN ANG PAG-REGULATE SANG HQP SA TION SANG GCQ

Share on facebook
Share on google
Share on pinterest
Share on twitter
Share on print

Gin pahayag ni Bacolod Mayor Evelio Leonardia nga luyag sini sa gihapon nga ipatuman ang pag-regulate sa pag usar sang Home Quarantine Pass (HQP) sa tion nga ipaidalum ang Bacolod sa General Community Quarantine (GCQ).

Suno kay Leonardia, luyag sini nga ipatuman ang odd-even scheme sang HQP sa tion sang GCQ.

Sa idalum sang Executive Order 30 nga gin isyu sang Alkalde, ang mga HQP nga naga tapos sa odd numbers ang gina tugutan nga makagwa sa ila balay sa Lunes, Myerkules kag Byernes samtang ang naga tapos sa even number ang makagwa sa ila balay sa Martes, Huwebes kag Sabado.

Suspendido naman ang pag usar sang HQP sa adlaw sang Domingo.

Suno kay Leonardia, natalana ini nga mag pagwa sang dugang nga detalye paagi sa pag isyu sang Executive Order.

Gin paathag sang Alkalde, exempted naman ang mga naga trabaho depende sa klase sang negosyo nga ila gina trabahuan bangud may mga negosyo nga sa idalum sang GCQ ang maka operate lamang sang 50%.

Suno kay Leonardia, ang ID kag uniform sang mga empleyado ang pwede na mangin basehan para makapadulong sa ila ulubrahan kag indi na kinahanglan mag isyu sang HQP para sa ila.

Ang Bacolod City ang may masobra 600 mil nga populasyon kag kapin 150 mil ka HQP ang na isyu sang 61 ka mga Barangay sa syudad.

Gin isyu ang HQP sa tuyo nga malimitahan ang hulag sang tawo sa tuyo nga malikawan ang paglapta sang Covid-19.| Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.