Liwat nga maga padala sang apelasyon ang LGU sa Bacolod sa National IATF nga i-downgrade ang community quarantine status humalin sa General Community Quarantine pakadto sa Modified GCQ umpisa Disyembre 1.
Sa press conference, gin pahayag ni Mayor Evelio Leonardia, ini na ang ikapila nga beses nga maga apilar ang syudad nga ipaidalum sa MGCQ.
Suno kay City Administrator Em Ang, napirmahan na ni Leoanrdia ang sulat kag ini ang natalana nga ipadala sa National IATF.
Suno kay Leonardia, ang mga plano sang LGU sa Bacolod ang tanan maga depende sa quarantine status sang syudad sa Disyembre 1.
Una na sadto nga gin palayag ni Vice Mayor El Cid Familiaran nga kon basehan ang datus sa Covid-19, kwalipikado ang syudad nga ipaidalum sa MGCQ.
Ang MGCQ ang pinakanubo nga quarantine status sa pungsod.
As of November 25, 2020 ang Bacolod ang may kapin 200 ka mga Covid-19 active cases.
