MAYOR BING LIWAT NAG APILAR SA NATIONAL IATF SANG ‘TIMEOUT’ SA PAGPAPULI SA MGA LSIs KAG OFWs

Share on facebook
Share on google
Share on pinterest
Share on twitter
Share on print

Liwat nga nag apelar si Mayor Evelio Leonardia sa National IATF nga i-suspend ang pagpapuli sa mga Bacolodnon LSIs kag OFWs.

Sa isa ka statement, gin pahayag ni Leonardia, ang ila pangabay ang base sa nagasaka nga kaso sang Covid-19 nga sa sulod sang isa ka semana ukon humalin August 16 tubtob 23, nag saka ang Covid-19 cases humalin 513 pakadto sa 900 cases ukon may 75% nga pagsaka.

Suno sa Alkalde, ginpahibalo man sila nga 7 ka mga hospital sa syudad ang wala na nagabaton sang Covid-19 patients bangud nalab-ot na ang kapasidad.

Dugang pa ni Leonardia, nagalala’ man ang sitwasyon sa mga hospital bangud nagadyutay ang medical staff kag iban sa ila ang nag positibo sa Covid-19 kag wala pa nakabalik sa trbaho samtang ang iban ang nag resign ukon nag AWOL.

Suno sa Alkalde, may mga hospital nga may yara pa sang Covid beds pero wala na sang doktor ukon nurses nga mag tatap rason nga wala na naga baton ang hospital sang dugang nga pasyente.

Suno sa Alkalde, nagdangat sa 400 ka mga Bacolodnon OFWs ang nag abot sang Agusto 22 kag 23.

Nagalaum ang Alkalde nga liwat nga mabukas ang LGU sa mga LSI kag OFW matapos ang isa ka bulan.

Ginpahayag ni Vice Mayor El Cid Familiaran nga ang OWWA kuntani amo ang magpahibalo sa National IATF nga indi na ma-accommodate ang mga naga-inabot nga mga OFWs.

Suno kay Familiaran, ang mga OFWs ang daw nahimo na nga sardinas kag kon may isa nga nag positibo, malatnan ang iban nga mga OFWs.

Gin klaro ni Familiaran, trabaho sang syudad nga magsugat sa mga OFWs pero ang OWWA amo ang naga pangita sang ila tiniran sa pag abot sa Bacolod. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.