Gin appoint ni Mayor Bing Leonardia si anay konsehal Caesar Distrito bilang miembro sang Board of Trustees sang Bacolod City College nga tiglawas sang professional sector.
Ini ang base sa Executive Order No. 75 nga gin pirmahan ni Leonardia sang Disyembre 1, 2020.
Nasaad sa E.O sang Alkalde nga ang Board of Trustees amo ang governing board sang BCC ang maga direct, administer kag manage sang aktibidad sang buluthuan.
Gin pahayag man sa E.O nga may yara sang bakante sa professional sector matapos nga nag resign ang gin appoint man nga si Dr. Rebecca Filasol nag ligad nga Setyembre 30, 2020.
Sa facebook post, gin pahayag ni Distrito, wala ini nag duha-duha sang gin tanyag ini sa iya sang alkalde kag handa nga mag volunteer nga wala sang benepisyo.
Sa nahibaluan, si Distrito ang nag pangalagad bilang konsehal sang Bacolod sa tatlo ka sunod-sunod nga termino kag karon naga tutok sa iya propesyon bilang isa ka abogado. | Aksyon Dale Salazar
