MASOBRA TUNGA SANG MGA TALISAY CDRRMO PERSONNEL GIN-ISOLATE MATAPOS NAG BATYAG SANG SINTOMAS

Share on facebook
Share on pinterest
Share on twitter
Share on print

Masobra katunga sang mga personnel sang Talisay City Disaster Risk Reduction and Management Office (CDRRMO) ang nagbatyag sang simptomas sang Covid-19 kag subong napaidalom sa strict isolation samtang nagahulat sa schedule sang swab testing.

Ini ang masubo nga gin-anunsiyo ni Mayor Neil Lizares III sa Pio Talisay official facebook page subong nga adlaw.

Suno sa alkalde, daku ang papel sang CDRRMO sa mga emergency cases bangud nagaserbe ang mga ini bilang mga frontliners sa Covid-19 pandemic.

Dugang pa ni Lizares, indi malikawan nga mabutang sa peligro nga sitwasyon ang mga CDRRMO personnel bisan pa sang ginapatuman nga health protocols.

Sa karon suno sa alkalde, magabaton lamang sang mga emergency cases ang CDRRMO kag ginpanugyan sa pamilya sang mga dialysis patients nga indi anay makatransport ang mga ini sang pasyente sa dialysis centers.

Nagapati si Lizares nga immunocompromised man ang mga dialysis patients kag delikado nga maexpose sa virus.

Sa record sang Talisay City Health Office “ as of September 21, 2020”, ang syudad ang may 382 na ka mga Covid-19 confirmed cases, 215 recovered, kag 13 ang napatay. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

CLOUD SEEDING OPERATIONS SA PROBINSYA WALA GINREKOMENDAR

Wala ginrekomendar sang Department of Agriculture (DA) ang pagpatigayon sang cloud seeding operations sa Negros Occidental bisan pa nga nagadaku ang kahalitan sang drought kag dry spell tuga sang el niño.

Ini ang ginpahayag ni Governor Bong Lacson, matapos nga ginsumiter sa iya ang findings kag rekomendasyon sang DA – Bureau of Soil and Water Management may kaangtanan sa ila nga pag-assess sa kondisyon sang probinsiya.

Suno kay Lacson nga kun patigayuno ang cloud seeding operations, kapin sa 20,000 ka mga puno sang pahu sa syudad sang San Carlos, Negros Occidental kag 5,000 sa probinsiya sang Guimaras ang maapektohan.

Ang kemikal nga gina-usar sa cloud seeding ang posible nga makatuga sang malain nga epekto sa mga pananom, kasapatan, kag environment.

Sa record sang Office of the Provincial Agricultures tubtub Marso 14, 2024, nagdangat na sa P87,477 pesos ang balor sa kahalitan sang el niño sa mga pananom sa Negros Occidental.

What’s your Reaction?
+1
0
+1
0
+1
0
+1
0
+1
0
+1
0
+1
0

TIYO, PATAY SANG GINTIRO SANG HINABLOS SA BARANGAY GRANADA

Patay ang 72 anyos nga tiyo matapos ginluthang sang iya hinablos sa Crossing Carmen, Barangay Granada, syudad sang Bacolod, Lunes sang gab-i, Marso 18, 2024.

Ang napatay ginkilala kay Rafael Cahina, napilasan man ang bata sini nga si Noel Cahina, 45 anyos samtang ang suspek ginkilala naman kay Jano Cahina, 35 anyos lunsay residente sang amo nga lugar.

Sa inisyal nga pagpangusisa ni PCapt. Portia Nillosan, hepe sang BCPO-Police station 5, ginaalegar ginsaway sang suspek ang iya tiyo matapos ginlawig sini ang iya karabaw sa duta sa Airsoft range nga ginabantayan sang suspek.

Ginpahayag man ni Nillosan, bangod man sa madugay nga dinumtanay, nagsabtanay pa ang magtiyo, rason nga nagkuha sang homemade shotgun si Jano Cahina kag ginluthang ang biktima.

Ginpahayag man ni Nillosan, nga ginhingagaw pa kon tani dala sa Corazon Locsin Montelibano Memorial Regional Hospital si Rafael apang gindeklarar nga dead on arrival basi sa deklarasyon ni Dr. Ellenfer Magbanua.

Ang biktima ang nakaangkon sang malubha nga pilas sa nawala nga bahin sang lawas samtang si Noel naman ang nakaangkon sang pilas sa nawala nga butkon.

Sa follow-up operation sang kapulisan, naaresto si Jano Cahina kag karon nahunong sa custodial facility sang Police Station 5 kag magapangatubang sang kaso nga Homicide.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.