MASOBRA PITO KA MILYON KA PESOS NGA BALOR SANG GINASUSPETSUHAN SHABU, NARECOVER SA GINAKABIG HIGH VALUE TARGET

Share on facebook
Share on pinterest
Share on twitter
Share on print

7.6 milyones pesos nga balor sang ginasuspetsuhan shabu ang narekober sa isa ka High Value Target matapos ang buy bust operation nga ginpatigayon sang mga kapulisan sang syudad sang San Carlos kaupod ang mga miembro sang Phil Drug Enforcement Agency ukon PDEA las 12:55 sang kaagahon, Disyembre 20.

Ginkilala ang nadakpan kag subject sang operasyon nga si Hanjie Alquiza, 37 anyos nagapuyo sa Sitio Mahayahay, Brgy. Punao syudad sang San Carlos kag ang upod sini nga si Roden Zaraga, 41 anyos nga isa man ka Street Level Target, nagapuyo sa Sitio Sambag sa amo nga barangay kag syudad.

Suno kay Superintendent D'artagnan Katalbas Jr, hepe sang San Carlos City PNP, na priso na sadtong tuig 2016 si Alquiza bangud sa amo man nga kaso apang nakaguwa ini sadtong Setyembre sini nga tuig.

Narekober kay Alquiza kag Zaraga ang 6 ka big heat sealed transparent plastic sachets, 1 ka medium heat sealed transparent plastic sachet kag isa ka small heat sealed transparent plastic sachet tanan gina suspetsuhan shabu nga may kabug-aton nga 639 gramos nga ginabulubanta nagabalor sang 7,674,000 milyones pesos.

Gin istorya man ni Katalbas ang nagkaladakpan kag ila gin-alegar nga gikan sa syudad sang Cebu ang suplay sang ginasuspetsuhan shabu kag ginadala sa syudad sang Dumaguete.

Base sa alegasyon ni Alquiza, sa itsura niya lang makilala ang ginakuhaan sini sang suplay kag wala siya makahibalo sang pangalan.

Sa karon, gina verify pa sang kapulisan ang mga alegasyon ni Alquiza agud mahibaloan kun sin-o ang nagasuplay sang dalagko nga balor sang shabu diri sa probinsiya.

Priso karon sa custodial facility sang San Carlos PNP si Alquiza kag Zaraga kag magapangatubang sang kaso nga paghupot kag pagbaligya 

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.