MASOBRA 300 KA DUGANG NGA PUBLIC MARKET VENDORS GIN PAIDALUM SA SURVEILLANCE TESTING

Share on facebook
Share on google
Share on pinterest
Share on twitter
Share on print

Kapin 338 ka mga public market vendors ang gin paidalum sa surveillance swab testing sa Bacolod Respiratory Outpatient ukon BRO Center sa BAYS Center subong nga adlaw, Oktubre 13.

Suno kay Executive Assistant Ernesto Pineda, cluster head on market, ini nga mga market vendors ang ulihe nga nag desisyon nga mag paidalum sa swab test.

Sa record sang talatapan ni Pineda, 127 ang gikan sa Libertad, 80 sa burgos, 72 sa Central Market, 25 sa Manokan Country, 34 ang mga flower vendors lakip na ang katupad nga mga tiange.

Sa nahibaluan, ang mga market vendor nga wala naka pa swab test ang gina butangan ang ila pwesto nga “On Process” tubtob nga maka comply sa mandatory swab testing.

Ang specimen sang second batch ang pagadal-on kag iga proseso man sa laboratoryo sa syudad sang Cebu.

Sa nahibaluan sa una nga surveillance testing nga gin patigayon nag ligad nga Oktubre 10, 25 lamang sa 1,665 ka mga market vendors ang nag positibo sa Covid-19 ukon may 1.5 % nga positivity rate. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.