MASOBRA 2,300 KA MGA JEEPNEY DRIVER NAKABATON SANG FOOD PACKS GIKAN SA SYUDAD

Share on facebook
Share on pinterest
Share on twitter
Share on print
(Bacolod PIO Photo)

Masobra 30 ka mga nag kalain-lain nga asosasyon sang mga jeepney drivers sa syudad sang Bacolod ang nakabaton sang food packs gikan sa panguluhan sa syudad sang Bacolod subong nga adlaw, Sabado.

Sa interview sang Aksyon Radyo Bacolod kay Executive Assistant IV Butch Soliguen, ginpahayag sini nga ang mga nakàbaton sang ayuda amo ang mga drayber nga nalakip sa listahan matapos nagpakig-angot ang mga ini kay Bacolod Councilor Dindo Ramos, chairman sang Committee on Transportation.

Dugang pa ni Soliguen, maayo ang sistema sa pag hatag sang food assistance matapos ginturn-over ang ayuda sa tagsa ka mga Presidente sang asosasyon.

Sa kabilugan 32 ka mga asosasyon sang jeepney transport ang nakàbaton sang ayuda sa Bacolod City High School nga ginabug-usan sang kapin 2,300 ka mga drivers. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

RESIDENTIAL RATE SANG CENECO NAGNUBO SANG 1.55KWH SA MARSO 2024

Nagnubo ang residential rate sang kuryente sang Central Negros Electric Cooperative, Inc. (CENECO) para sa sini nga bulan sang Marso.

Sa interview sa Aksyon Hotline, ginpahayag ni CENECO General Manager Atty. Arnel Lapore nga ang pagnubo ang nagdangat sa P1.55 per kilowatt hour.

Suno kay Lapore, epektibo ang pagnubo sang Marso 16, 2024.

Ginklaro na man ni Lapore nga indi masiguro ang stability sang pagnubo bangud wala pa mahibaloan kun ano ang rate para sa masunod nga bulan.

Suno pa kay Lapore, ang pagnubo sang presyo sang kuryente sa residential ang bangud sa supply sang kuryente nga nagsulod halin sa Mindanao.

What’s your Reaction?
+1
0
+1
0
+1
0
+1
0
+1
0
+1
0
+1
0

16 KA NEGOSYO SA GOLDENFIELD, WALA PA SANG BUSINESS PERMIT

Gin inspeksyon sang Bacolod LGU ang 21 ka mga negosyo nga naga operate sa Goldenfield Commercial Complex.

Ang inspeksyon ang ginpangunahan sang City Legal Office kaupod ang Permits and Licensing Office, DSSD, City Health Office kag iban pa.
Lakip sa ginpadulungan sang syudad amo ang ilimnan, restobar, massage spa, convenience store kag iban pa.

Ginpahayag ni City Legal Officer Atty. Romeo Carlos Ting Jr. sa 21 ka negosyo, lima lamang ang may business permit 2024 samtang iban ang on process pa.

Bangud sini, nag isyu ang syudad sang first notice of violation sa mga negosyo nga on process pa ang ila business permit.

May tatlo ka adlaw ang negosyante nga mag proseso sang business permit.
Ginpahayag ni Ting, kabahin ini sa gihapon sang kampanya sang syudad batuk sa mga negosyo nga naga operate pero wala sang business permit.

Ginkumpirmar ni Ting, nga nag isyu man sang bayolasyon ang CHO bangud may mga negosyo sa goldenfield nga indi makapasar para sa sanitary permit.

Samtang, ginkumpirmar ni Ting nga may pila ka negosyo nga ginpsirad-an sang syudad sa Bargain Square Mall kag Plaza Mart ang nagbukas na matapos nakakuha sang business permit.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.