MASOBRA 11M NGA BALOR SANG DROGA NAKUHA SA 18 ANYOS NGA BABAYE

Share on facebook
Share on google
Share on pinterest
Share on twitter
Share on print

Nakumpiskar ang masobra 11 milyones pesos nga balor sang suspected shabu sa drug buy bust operation sa isa ka apartment sa isa ka subdivision sa Barangay Singcang-Airport, syudad sang Bacolod subong nga hapon, Hunyo 18.

Ang operasyon ang gin patigayon sang Regional Drug Enforcement Unit kag City Drug Enforcement Unit sang BCPO.

Gin kilala ang subject sang operasyon nga si Joy Diamante, 18 anyos, kag nadakpan man ang iya karelasyon nga si Rafael Cantuar, 23 anyos, parehas nga residente sang Purok Langis, Brgy. Banago.

Suno kay Lt. Thursly Castillo, team leader sang RDEU, naglawig sang duha ka bulan ang monitoring sang otoridad sa subject kasunod nga nagasaylo-saylo ang mga ini sang apartment.

Suno kay Castillo, isa tubtob duha ka semana nga naga tinir sa apartment ang subject sang operasyon kag naga usar sang rent-a-car sa transaksyon.

Narekover sa operasyon ang 1 kilo kag 10 grams nga suspected shabu nga may market value nga 11,605,000 pesos.

Gin pahayag ni Diamante nga naga bantay lamang sila sang droga kag siya ang naga transaksyon kag gina hatagan lamang sila sang dos mil tubtob 3 mil pesos sa kada semana.

Ang kapigaduhon suno sa suspek ang nag tulod sa iya para sudlon ang iligal nga aktibidad. | Aksyon John Diaz, Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.