MASOBRA 1,000 KA BALAY SA DUHA KA BRGYS SA SAN CARLOS CITY, GIN LOCKDOWN

Share on facebook
Share on pinterest
Share on twitter
Share on print

Masobra isa ka libo ka mga balay ang gin lockdown sakop sang Barangay 5 kag 6 sa syudad sang San Carlos.

Ini matapos nga nag positibo sa virus ang 36 anyos nga lalaki nga Locally Stranded Individual (LSI) nga gikan sa Cebu.

Siya ang Patient 31 sang Negros Occidental kag asymptomatic.

Sa interview sang Aksyon Firing Line, gin pahayag ni San Carlos Mayor Renato Gustilo, ang pasyente ang isa ka undocumented LSI nga gikan Cebu nag byahe sa Tabuelan Port sa syudad sang Escalante.

Suno kay Gustilo, gin paidalum sa home quarantine ang pasyente kasunod nga wala na sang butangan sa iya bangud masobra 80 ka LSIs ang gina tutukan sa karon sang LGU.

Suno sa Alkalde, pito na ka adlaw ang pasyente nga nakagwa sa iya nga balay antes nag gwa ang resulta nga positibo ini sa virus sang Biernes sang gab-i, Hunyo 19.

Ang pasyente ang pagadal-on sa Provincial Healing Center sa banwa sang E.B Magalona samtang naga padayun ang contact tracing.

Naghatag na sang ayuda nga pagkaon ang LGU para sa mga pamilya nga ipaidalum sa lockdown sang 14 dias.

Maga padala sang apilar si Gustilo sa National IATF nga itugyan sa LGU kag indi sa kapulisan ang pag desisyon sa ipatuman nga protocol sa mga naga abot nga LSI. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.