MARKET STALL KAG TRANSIENT VENDORS SA SYUDAD SANG HIMAMAYLAN, GINPAIDALOM SA SWAB TESTING

Share on facebook
Share on google
Share on pinterest
Share on twitter
Share on print

Ginpaidalom sa swab testing subong nga adlaw ang tanan nga market stall kag transient vendors sang Himamaylan City New Market.

Suno kay Mayor Raymund Tongson, masobra 200 ka mga vendors ang ginswab nga ginpatigayon sa Barangay Caradio-an kag Barangay IV gymnasium kqg nag umpisa las 8 kaina sang aga.

Dugang pa ni Tongson, ini ang nangin desisyon sang lokal nga panguluhan matapos nga 12 ka mga market personnel kag ila pamilya ang nagpositibo sa virus.

Palayag ni Tongson, preparado na ang ayuda nga ila ipanghatag sa mga vendors samtang naka quarantine ang mga ini bangud kinahanglan nga ila hulaton ang resulta sang swab test antes makabalik sa pagbaligya.

Pasalamat naman si Tongson sa mga frontliners sa pagbulig sa pagpa-athag sa mga vendors agud makigbahin sa sini nga tikang.

Ginklaro man ni Tongson nga bukas sa gihapon ang ila merkado bangud ginpahanugutan nga my representante ukon miembro sg pamilya sang vendor ang temporaryo mag bantay sa ila pwesto.

Pangabay ni Tongson nga mahangpan sang pumuluyo ang tikang nga ila ginahimo agud mapahagan hagan ang covid-19 transmission sa ila syudad.

MORE STORIES:

LIKE US ON FB

error: Ooops... You are not authorized to copy this content.