MARKET DAY SA LA CARLOTA, SUSPENDIDO

Share on facebook
Share on google
Share on pinterest
Share on twitter
Share on print

Suspendido indefinitely ang market day sa kada adlaw sang Sabado sa syudad sang La Carlota.

Ginasaad sa executive order no. 55 ni La Carlota City Mayor Rex Jalandoon nga tanan nga mga nagabaligya sa gwa sa Agora complex ang wala ginapahanugutan kada Sabado.

Pila pa sa ginasaad sa EO sang alkade amo nga ang Senior Citizens kag indibidwal nga naga-edad 21 anyos panubo ang magatiner sa sulod sang balay halin Agosto 12 tubtub 26.

Exempted naman ang mga senior citizen nga nagatrabaho, on medical emergencies kag para sa pagbakal sang basic needs kaangay sang pagkaon kag bulong.

Tanan nga internet cafes kag billiard halls ang temporaryo nga sirado sa sulod sang duha ka semana kag ang mga Coffee shops/Cafes ang pahanugutan lamang nga mag-operate para sa take out orders. | Aksyon Ann Defensor

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.