MANGUNGUMA PATAY MATAPOS GIN TIRO SA BANWA SANG BINALBAGAN

Share on facebook
Share on google
Share on pinterest
Share on twitter
Share on print
(Binalbagan PNP Photo)

Patay ang isa ka laborer, matapos luthangon sa Sitio Apitong uno, Barangay Bi-ao, Banwa sang Binalbagan sadtong Lunes sang aga.

Ang biktima ginkilala kay Blas Urbano, 47 anyos, soltero kag nagapuyo sa amo man nga lugar.

Suno kay PMaj Fernando Somblingo Jr, hepe sang Binalbagan PNP, ginluthang si Urbano samtang galakat padulong sa puloy-an sang iya pakaisa.

Ang tatlo ka mga suspetsado nagahulat na sa iya sa kilid sang dalan kag isa sa ila amo ang nagluthang. Naka-angkon sang pilas sa ulo kag likod ang biktima tunaan sang iya kamatayon.

Nakarekober ang kapulisan sang duha ka basiyo sang kalibre 45 sa lugar sang insidente.

Dugang ni Somblingo, ang biktima madamo sang kontra kag posible may tawo nga wala na maka-agwabta sang iya batasan nga masami naga-eskandalo.

Palayag pa sang hepe, mismo ang pamilya wala naman sang planu nga magpasaka sang kaso sa mga suspetsado. Apang, paadayon pa ang imbestigasyon sa angulo kag motibo sang krimen kag pagkilala man sa mga tagluthang. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.