MANGUNGUMA GINLUTHANG, PILASON

Share on facebook
Share on google
Share on pinterest
Share on twitter
Share on print

Nakaangkon sang madamo nga kapilasan ang mangunguma sang ini ang luthangon sa Barangay 1, Banwa sang Moises Padilla Lunes sang gab-i.  

Ang biktima ginkilala kay Joel Vertucio, 26 sang Barangay Inulingan, samtang ang mga suspetsado ginkilala nga sanday Mario Edang, 61 anyos kag Mark Ryan Edang, 31 anyos lunsay construction worker kag nagapuyo naman sa Barangay 1 sa amo man nga Banwa. 

Suno sa Moises PNP, naabtan nila nga pilason  si Vertucio tuga sa pagluthang kag gilayon nga gindalan sa hospital.  

Tigayon naman nadakpan ang mga suspetsado kag karun padayon pa ang imbestigasyon sang otoridad sa motibo sang krimen. | Aksyon Bryan Morden

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

23 KA MGA BALAY GINPAIDALUM SA GRANULAR LOCKDOWN SA MURCIA

Ginpaidalom sa granular lockdown ang 23 ka mga balay sa banwa sang Murcia matapos magpositibo ang pila ka mga residente sa lugar.

Nagpapanaug sang executive order si Murcia Mayor Gerry Rojas nga nagamando sa pagpaidalom sa critical zone sa 13 ka mga balay sa Purok Piña, Brgy. Zone 1 kag 10 ka mga balay sa Purok Golden Kamote, Brgy. Zone 2, epektibo Mayo 7 tubtob Mayo 17.

Bangud sini, ginmanduan ang barangay council, tanod kag mga kapulisan nga istrikto nga ipatuman ang mga health protocols.

Sa pinakahulihi nga datus sang Murcia Rural Health Unit, 410 na ang kumpirmado nga kaso sang COVID-19, kun sa diin 60 diri ang aktibo nga kaso. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.