Ginakwesyon sang Pederasyon sang mga mangingisda sa syudad sang Bacolod ang kapasidad ni City Aquaculturist kag FARMC Coordinator Delfin Vasquez matapos ginpangdakop ang mga ini samtang nagapangisda sa coastal water sang syudad nga wala sang otoridad nagikan sa gobyerno lokal sang syudad.
Suno kay Fernando Jacinto, presidente sang Bacolod City Fisherfolks Federation, apisar isa lang ka aquaculturist si Vasquez posible indi naman siya otorisado magpangdakop sa lawod bangud indi man lihetimo nga miembro sang Bantay Dagat kag wala sang Executive order nagikan kay Mayor Evelio Leonardia.
Angut sini, nagapangabay ang grupo sang mga mangingisda kay Mayor Leonardia nga aktuhan ang ila problema batok kay Vasquez.