Patay ang manghod, matapos ginlabo sang magulang sa Sitio Bulwang, Barangay Biao, banwa sang Binalbagan kahapon nga adlaw, Lunes.
Ang biktima ginkilala kay Waling Martines, 26 anyos, samtang ang suspetsado ginkilala naman Armando Martines, 43 anyos tanan nagapuyo sa amo nga lugar.
Suno kay PMaj Fernando Somblingo, hepe sang Binalbagan PNP, naakig ang magulang kay ginlumsan kag ginpatay sang manghod ang ila ginbuhi nga baboy.
Dugang ni Somblingo, ginpalayag sang pamilya nga may gamay nga deperensya sa huna-huna ang biktima nga bisan ang iya amay ginabatuan.
Gilayon naman nga nadakpan ang suspetsado kag ginahulat pa sang otoridad kun magapasaka sang kaso ang pamilya batok sa iya. | Aksyon Bryan Morden