MANDO NI PNP CHIEF GENERAL CASCOLAN NGA PAG-DEPLOY SANG ISA KA PULIS SA KADA BARANGAY, GIN-UMPISAHAN NA SANG NOCPPO

Share on facebook
Share on pinterest
Share on twitter
Share on print

Ginmando ni Philippine National Police ukon PNP Chief General Camilo Cascolan ang pag-deploy sang isa ka pulis sa kada Barangay.

Suno kay Negros Occidental Police Provincial Office ukon NOCPPO Deputy Spokesperson P/Lt Wilma Silva, ini kabahin sa 9 point agenda ni Cascolan.

Dugang ni Silva, i-tap diri ang mga Barangay Tanod para sa kahapusan sang tanan.

Prayuridad ang pulis nga i-deploy sa amo nga Barangay ang taga dira mismo nagapuyo.

Palayag pa sang spokesperson nga tinutuyo sini amo nga mahatagan sang pagtamod ang krimenalidad kag madasig nga pagresponde sa mga emerhensiya ilabi na sa karun nga pandemya.

Aminado ang kapulisan nga kulang ang personnel, apang ginatun-an na ini nga problema.

Karun sini, nag-umpisa na ang pag-deploy sa kapulisan.

What’s your Reaction?
+1
0
+1
0
+1
0
+1
0
+1
0
+1
0
+1
0

GALIDO GINDESIGNAR NGA OIC SANG NOCPIAS

Nagpungko na karon nga adlaw bilang officer-in-charge sang Negros Occ. Provincial Internal Affair Service (NOCPIAS) si Police Chief Master Sgt. Calixto Galido Jr. matapos nagretiro si PEMS Ramie Bando.

Suno kay Galido, si Bando ang nagretiro matapos nalab-ot sini ang mandatory age of retirement.

Dugang pa ni Galido, sa direktiba ni RIAS6 PLt. Col. Jomarie Occeño pagatutukan sini ang pagpatigayon sang spot inspection sa tagsa ka mga police stations sa syudad sang Bacolod kag probinsya nalakip na dire ang pagpatigayon sang motopropio investigation sa mga “erring police officers”.

Pagatutukan man ni Galido ang red teaming inspection sa tagsa ka mga police stations kag ang cusoudial facilities para sa mga Persons Under Police Costudy (PUPC).

Nagaapelar man si Galido sa kapulisan nga ipatuman ang Police Operational Procedure nga nagaserbi bilang talamdan sang kapulisan agud mangin epektibo nga law enforcers.

What’s your Reaction?
+1
0
+1
0
+1
0
+1
0
+1
0
+1
0
+1
0

HIGH SCHOOL STUDENT, PATAY SANG NALAMPOS ANG ULO SA DUTA SANG SUBA

Patay ang isa ka menor de edad sang malumos sa suba nga sakop sang Hacienda Antolanga, Barangay Tinongan banwa sang Isabela la 1:30 sang hapon, Domingo (Marso 17).

Ang biktima naga-edad sang 16 anyos kag isa ka high schoold student.

Suno kay Police Captain Rjay Dangarang, hepe sang Isabela PNP, nagpaligo ang menor de edad upod ang apat ka iban pa niya nga kaupdanan sa Citizen Advancement Training (CAT) sa ila bolothoan.

Ginpahayag ni Dangarang nga naglumpat sa suba ang biktima kag mahimo nalampos ang iya ulo sa duta bangud nga manabaw lamang ang suba.

Ulihi na lamang nga natalupangdan sang iya mga kaupdanan nga wala na makabutwa ang biktima.

Gindala sa ospital ang biktima bilang kabahin sang proseso kag gindeklarar nga dead on arrival ni Dr. Lladen Espallardo.

What’s your Reaction?
+1
0
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.