Isa na lamang ang Covid-19 active case sang Manapla Negros Occidental, apang may 37 naman ka mga Locally Stranded Individuals (LSIs) ang natalana nga ipaidalom sa RT-PCR tests samtang yara sa facility quarantine sang banwa.
Suno kay Mayor Manuel Escalante, ang nagpositibo amo ang Covid-19 patient number 89. Ini amo ang 28 anyos nga lalaki sang Brgy. Tortosa, LSI halin sa Pototan Iloilo kag subong naka quarantine sa Provincial Healing Center EB Magalona.
Dugang pa sang alkalde, nagnegatibo sa Covid-19 ang 62 ka mga LSIs nga gin swab test sang mag-abot sa banwa matapos kakason ang moratorium sa pagbaton sa mga ini, sadtong Nobyembre 18.
Suno pa kay Escalante, pagabuksan naman ang tanan nga merkado publiko sa maabot nga Biyernes, apang tubtub lamang alas 5 sang hapon ang operasyon.
As of November 22, 2020, ang Manapla ang may 89 ka mga confirmed cases, 85 recovered, kag 3 ang napatay. | Aksyon Marlon Genovea
