MALL KAG HOTEL PLANO PATUKURON SA TUPAD SANG CYBER CENTRE

Share on facebook
Share on google
Share on pinterest
Share on twitter
Share on print

Plano nga patukuran sang mall kag hotel ang bakante nga lote sa Paglaum Sports Complex tupad sang Negros First Cyber Centre sa dalan Hernaez-Lacson syudad sang Bacolod.

Ini ang ginpahayag ni anay 2nd district Board Member kag karon Cadiz City Mayor Salvador Escalante Jr., sa pihak sang isyu angot sa pagnubo sang income nga ginaganar sang Cyber Centre.

Suno kay Escalante, normal lamang nga indi sa gilayon maka income sang daku ang Cyber Centre, bangud intensyon sini nga unahon pakilala ang industriya sang Information Technology and Business Process Outsourcing.

Dugang pa sang alkalde, ang mall kag hotel ang ipahamtang sa propiedad nga karon nagaserbe bilang parking area.

Ini ang kabahin sa mga inputs nga ginpresentar ni Escalante kay Provincial Administrator Atty. Rayfrando Diaz II.
Nagligad nga semana, ginsiling ni Diaz nga ginmandoan na ang Internal Audit Office kag consultant for financial affairs, nga ireview ang financial reports kag operasyon sang Cyber Centre. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.