MAG-UTOD NGA SENIOR CITIZEN PILASON MATAPOS GIN LABO SANG ILA MANGHOD

Share on facebook
Share on google
Share on pinterest
Share on twitter
Share on print
(Adrian Prietos Photo)

Pilason ang mag-utod nga senior citizen matapos ginlabo sang ila manghod sa Purok Riverside JJ Gonzaga Brgy. Mansilingan syudad sang Bacolod Myerkules sang gab-i.

Ang mga biktima ginkilala nga sanday Julianita Robles, 75 anyos kag Ofelia Robles, 73 anyos lunsay pumuloyo sang nasambit nga lugar.

Ang nadakpan nga suspetsado ginkilala kay Harlan Robles, 67 anyos kag pumuloyo man sang amo nga lugar.

Nakagwa na sa hospital ang mag-utod nga Robles matapos nabulong ang ila pilas nga na-angkon.

Suno kay Police Lt. Florentino Abalayan, hepe sang Police Station 7, hubog ang suspetsado sang natabo ang insidente.

Suno kay Abalayan, na-akig ang suspetsado sang iya nahibaloan nga ibaligya sang iya utod ang propidad rason iya ini ginsulong kag ginpanglabo.

Narekober sang kapulisan ang biente singko pulgadas nga kalabaon sang binangon nga gingamit sa paglabo sa mga biktima.

Ginpasaka na ang kaso nga frustrated murder batok sa suspek nga yara sa costudial facility sang Police Station 7. | Aksyon Eric Magbanua

GOV LACSON NAGPAIDALUM SA SELF-ISOLATION

Nagpaidalom sa self-isolation si Governor Bong Lacson umpisa subong nga adlaw, kalakip ang 18 ka mga empleyado sang Department of the Interior and Local Government (DILG) Negros Occidental.

Ini matapos magpositibo sa COVID-19 ang isa ka DILG Iloilo employee, nga nagtambong sa Provincial Anti-Drug Abuse Summit sang Biyernes Enero 22.

Suno kay Provincial Administrator Atty. Rayfrando Diaz II, si Lacson kag 18 ka mga DILG employees ang natalana nga magpa swab test bwas nga adlaw.

Dugang pa ni Diaz, kinahanglan nga magpa self-isolate ang gobernador bangud siya ang isa sa mga naghatag sang certificate of appreciation sa empleyada nga nagpositibo sa COVID-19.

Kalakip sa magapakuha sang swab test amo si DILG Negros Occidental OIC Provincial Director, Roselyn Quintana.

Gintalana sang gobyerno probinsiyal ang Mambucal Mountain Resort sa Minoyan Murcia nga amo quarantine facility nga teneran sang mga ini, samtang nagahulat sa resulta sang swab test.

Ginklaro man ni Diaz nga isa man siya sa mga nakatambong sa amo nga summit, apang wala maka close contact sa nagpositibo nga DILG official nga makabig bilang Authorized Person Outside Residence (APOR).

Setyembre 4, 2020, si Lacson ang nagpaidalom man sa self-isolation matapos magpositibo sa COVID-19 ang utility worker assign sa Governor’s Office. | Aksyon Marlon Genovea

LALAKI, PILASON MATAPOS NAKURYENTE

(Contributed Photo | CTTO)

Nakuryete ang isa ka naga-sidline sa pagpamanday sa Purok Sunshine, Barangay E. Lopez, Syudad sang Silay.

Ang biktima ginkilala kay Antonio Zamora, 33 anyos, pamilyado nagapuyo sa Purok Langka sa amo man nga Barangay kag isa ka tricycle driver.

Suno sa ugangan ni Zamora nga si Edgar Relojas, iya ginsugo ang biktima nga kuhaon ang metal purlins sa ikaduha nga andana sang ila gina-ubra ugaling nasangit ini sa linya sang central negroa electric cooperative ukon ceneco.

Nahulog ang biktima kag nakaangkon sa madamo nga paso lawas kag nagsuka sang dugo. Gilayon ini gindala sang hospital. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.