MAG-UTOD NGA PULIS SA BCPO, NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Gin kumpirmar ni Police Lt. Jonito Pastrana, hepe sang Police Station 9 nga isa niya ka police ang nagpositibo sa Covid-19.

Ini matapos nagwa ang resulta sang iya swab-test sang kahapon nga adlaw, Myerkules.

Magluwas sang iya police, nagpositibo man sa Covid-19 ang iya iloy kag duha ka utod sa diin isa diri ang police man nga nadestino sa admin office sang Bacolod Bity Police Office.

Suno kay Pastrana, wala sang dapat kabalak-an ang pumuloyo nga ila nasakupan bangod on leave ang police nga nagpositibo sa masakit.

Suno kay Pastrana, wala sang may ginabatyag ang iya kapulisan kag magapadayon sila sang ila serbisyo.

Dugang pa ni Pastrana, naka-home quarantine ang pamilya sang iya police nga nagpositibo.

Gin patigayon na ang disinfection sang Bacolod DRRMO sa Police Station 9.

Gin lockdown na sang Barangay Sum-ag ang balay sang pulis sa Purok Fiesta Homes.

Suno kay Kapitan Rodney Carmona, ang ila Barangay ang may lima ka Covid-19 cases.

Samtang, gina hulat pa sang BCPO ang resulta sang 37 ka mga pulis nga gin paidalum sa RT-PCR Test nga posible may exposure sa pulis sang PRO 6 nga gin augment sa Bacolod. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.