MAG UTOD NADAKPAN SA BUY BUST OPERATION SA KABANKALAN

Share on facebook
Share on google
Share on pinterest
Share on twitter
Share on print

Nagapangatubang sang patung patung nga kaso ang mag-utod nga Cabison matapos nadakpan sa drug buy bust operation kag nakuhaan pa sang mga armas nga nagalupok sa Purok Progreso, Brgy. Tapi, syudad sang Kabankalan sang Byernes nga adlaw.

Ang mga suspects ginkilala kanday Roy alyas Tiroy, 36 anyos kag ang manghod sini nga si Romel Cabison alyas kim, 22 anyos lunsay nagapuyo sa amo nga lugar.

Suno kay Police Master Sgt. Reynan Serfino, tagpamuno sang Kabankalan station drug enforcement team, naaktuhan sang ila hanay nga nagbaligya sang ginasuspetsuhan shabu ang mag-utod.

Sa pagpangusisa pa sang kapulisan, narekober sa mga suspek ang (14) katorse ka bilog sang plastic sachet sang ginasuspetsuhan shabu balor 80 mil ka pesos kag drug paraphernalia.

Nakuha man sa mga suspek ang 1 ka improvised 12 gauge shot gun nga may duha pa bala kag 1 pa unit sang 357 cal. revolver nga may 5 ka mga bala.

Priso karon sa Kabankalan City PNP ang mga suspek kag gina preparar na ang kaso batuk sa ila. | Aksyon Alvin Grava

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

MORE STORIES:

LIKE US ON FB

error: Ooops... You are not authorized to copy this content.