MAG-UTOD MAGA-ENGKWENTRO SA MGA PAKAISA SA 2019 ELECTIONS

Handa nga engkuwentruhon sang mag-utod nga Board Member Allain Gatuslao kag Himamaylan City Councilor Justin Gatuslao ang ila pakaisa nga sanday Mayor Ernesto Agustin Bascon kag Raymund Gatuslao. Kasunod sa opisyal nga pag-anunsiyo sang ila kandidatura kahapon sang udto , ginsiling ni Board Member Gatuslao nga madugay na nga mga tinuig nga masami naga-engkuwentruhanay ang ila pamilya sa patag sang politika sa kinto distrito kag siudad sang Himamaylan. Natabo man suno kay Gatuslao nga ila gintinguhaan nga maareglo ang problema, apang wala maghisugtanay. Maka-engkuwentru ni Board Member Gatuslao ang iya pakaisa nga si incumbent Himamaylan City Mayor Bascon sa pagka-kongresista, samtang sa pagkabise alkalde ang manghod sini nga si Justin, batuk sa ila man pakaisa nga si anay Philippine Gaming Corporation senior branch administrative officer Raymund Gatuslao.