MAG LIVE-IN PARTNER KAG ISA PA KA LALAKI NADAKPAN SA BUY BUST OPERATION

Share on facebook
Share on google
Share on pinterest
Share on twitter
Share on print

Arestado ang maglive-in partner kag isa pa ka persona sa buy bust operation nga ginpatigayon sang kapulisan sang Police Station 2 sa Barangay 6, syudad sang Bacolod subong nga gab-i, Hunyo 4.

Ang mga nadakpan ang ginkilala nga sanday John Paul Ebro, 30 anyos, Mary Glo Binueza, 34 ang edad lunsay residente sang Barangay Mansilingan kag Wence Uy, 22 anyos nga residente sang Barangay 40 tanan sang syudad sang Bacolod.

Narekober sa mga nagkaladakpan ang duha ka bulto, tatlo ka medium-sized kag anum ka palaba nga plastic sachet sang ginasuspetsuhan shabu nga nagabug-at 15 gramos kag may estimated street market value nga 135,000 pesos.

Suno kay Police Station 2 Commander Police Major Sherlock Gabana, nagatransaksyon ang mga nadakpan sa nagkalain-lain nga lugar sa syudad kag sila naman mismo nagatabo ukon nagadeliver.

Dugang pa ni Gabana, ang mga nadakpan ang masami nagarenta sang salakyan sa ila nga transaksyon.

Ang tatlo ka mga nadakpan ginakabig sang kapulisan nga street level target. Ginpanginwala naman ni Ebro nga iya ang mga narekober nga ilegal nga droga apang nag-ako nga tumalagsa nagagamit.

Aligasyon ni Ebro indi iya ang mga narekober nga ginasuspetsuhan ilegal nga droga kag gin-aligar nga ginapanag-iyahan naman sang isa ka babaye nga nakatransaksyon sini.

Priso karun ang tatlo sa custodial facility sang Police Station 2 para sa nagakaigo nga disposisyon. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.