Patay ang mag iloy matapos nalumos sa Espiso Resort Bagatnan, Barangay Miranda, banwa sang Hinigaran alas 12:40 sang hapon, Oktubre 29.
Sa interview sang Aksyon Firing Line, ginpahayag ni Walter Snook sang Hinigaran DRRMO nga Dead on Arrival sang gindala sa Tabao Distric hospital sanday Laiza Sabanda, 30 anyos kag bata sini nga si Shine Sabanda, 6 anyos, tanan pomuluyo sang La Carlota City.
Dugang pa ni Snook, nakit an na lamang ang mag iloy nga naga lutaw lutaw sa baybay kag gin tinguhaan pa nga ma-revive apang pag abot sa hospital, patay na ang mga ini.
Samtang, sa imbestigasyon sang Hinigaran PNP, plano kuntani sang mga biktima, upod ang iban pa nila nga himata nga mag-overnight sa amo nga resort.
Dugang pa, gin alegar nga naka inom ang iloy sang matabo ang insidente.