MAG-ASAWA, IPAIDALUM SA TESTING PARA SA UK VARIANT

Share on facebook
Share on google
Share on pinterest
Share on twitter
Share on print

Pagakuhaan sang swab specimen bwas nga adlaw, Biernes, ang mag-asawa nga may travel history sa London nga nagpuli sa banwa sang Pontevedra, Negros Occidental kag nag positibo sa Covid-19, para mahibaluan kon positibo ukon negatibo sila sa UK variant.

Sa interview sang Aksyon Firing Line, gin pahayag ni Mayor Jose Maria Alonso, ang mag-asawa upod ang ila bata ang karon naka quarantine sa pasilidad sang banwa.

Ginpaathag sang Alkalde nga ila gin upod ang bata sa pasilidad bangud close-contact ini sa iya ginikanan.

Madumduman, Enero 16 sang nag abot sa Pontevedra ang mag-asawa, gin paidalum sa strict home quarantine, gin swab test kag Enero 18 sang nag gwa nga positibo ini sa virus.

Una na nga ginpabutyag ni Governor Bong Lacson nga ginatun-an sang probinsya ang legal action batuk sa lima ka mga Negrense lakip na ang mag-asawa, nga wala nagpanugid nga halin sila sa London.

Tatlo sa lima ka mga Negrense nga taga banwa sang E.B Magalona ang una na nga nag negatibo sa Covid-19.

MORE STORIES:

LIKE US ON FB

error: Ooops... You are not authorized to copy this content.