MENU

MAG ASAWA, GINLUTHANG-PILASON

  • at 8:08 pm
Share on facebook
Share on pinterest
Share on twitter
Share on print

Pilason ang mag-asawa matapos naluthangan sa Sitio Lemon, Brgy. Sikatuna banwa sang Isabela la 1 sang hapon,Oktubre 18.

Ginkilala ang mga biktima nga sanday Joaquin Baynon, 52 anyos nga nakaangkon sang pilas tuga sa iya tiyan kag ulo.

Samtang ang iya asawa nga si Marlyn Baynon,50 anyos ang naka angkon naman sang pilas sa likod kag nawala nga bahin sang iya ulo.

Suno kay Senior Inspector Randy Babor, hepe sang Isabela PNP base sa ila inisyal nga imbestigasyon papauli na kuntani ang mag-asawa gikan sa tinda nga nagbakal sang ila mga kinahanglanon sang may duha ka lalaki ang nag palapit sa ila kag ginluthang sila.

Dugang pa ni Babor ginatan aw sa karon nga motibo sang mga suspetsado amo ang pag panghold-up bangud wala na ang kahita ni Joaquin nga gin alegar may unod nga kwarta.

Suno pa kay Babor nakita sang mag-asawa ang hitsura sang mga suspetsado apang indi nila ini kilala.

Nahibaluan nga malapit lang sa balay sang Brgy. Kapitan sang amo nga lugar kag kampo sang CAFGU ang natabuan sang insidente.

What’s your Reaction?
+1
0
+1
0
+1
0
+1
0
+1
0
+1
0
+1
0

BTAO NAG ISYU MEMO KONTRA SA MGA PERSONNEL NGA NAGAHIMO SANG ILEGAL

April 16, 2024

Iga terminate sang Bacolod Traffic Authority Office kag mangatubang sang kaso ang mga personnel nga madakpan nga nagahimo sang ilegal nga aktibidad partikular na ang korapsyon.

Ini ang kaundan sang memorandum nga gin isyu ni BTAO Chief Patrick Lacson napetsahan abril 16, 2024.

Nobiembre 2023 sang nagpungko si Lacson bilang officer-in-charge sang BTAO kag ginpatuman ang one-strike policy sa mga illegal nga aktibidad kag korapsyon.

Suno kay Lacson, indi lamang termination ang konsekwansya sa naga himo sang korapsyon, kundi may yara sang kaso nga ipasaka batuk sa BTAO personnel ilabi na kon may mabakod nga ebidensya.

Ginpahayag ni Lacson, halin sa iya nga pagpungko sa BTAO, kapin 30 na mga BTAO personnel ang iya napahalin bangud sa mga nagkalain-lain nga bayolasyon samtang may mga regular nga empleyado nga may sala ang gina transfer sa iban nga opisina kaangay sang POSO.

Liwat nga ginpabutyag ni Lacson ang iya suporta sa anti-corruption drive sang Benitez administration.

What’s your Reaction?
+1
0
+1
0
+1
0
+1
0
+1
0
+1
0
+1
0

ONE-WAY TRAFFIC SCHEME GINPATUMAN PAKADTO SA PANAAD

April 16, 2024

Ginpatuman sang Bacolod Traffic Authority Office ang one-way traffic scheme halin sa Lopue’s Panaad pakadto sa entrance sang Panaad Park karon nga Panaad Festival 2024 umpisa la 1 sang hapon tubtob las 11 sang gab-i.

Ginpahayag ni Jose- Antonio Robello, deputy head sang BTAO, sa pagsulod sa Panaad sa bahin sang Barangay Alijis, ang may dala nga mga salakyan ang maga exit sa likod sang Panaad sa Barangay Mansilingan.

May 30 ka mga traffic enforcers nga gin deploy ang BTAO sa lugar sa pila ka shift. Ginpatuman ang no parking policy sa kilid sang dalan pasulod sa Panaad.

May lima ka lugar nga gindesignar nga parking area sa sulod sang Panaad, duha dire ang para sa mga opisyales kag VIPS samtang tatlo ang para sa publiko.

Posible i-divert naman ang mga trucking nga magalabay sa Bangga Metal sa Alijis, pero ini ang case-to-case basis.

Suno pa kay Robello, may pag guot sa trapiko bangud nga gindagsa ang una nga adlaw sang Panaad Festival kag ang pagpasulod sang dalagkuan nga mga props sang LGU para sa Best of Festivals competition.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.