MAG-AMAY NGA NAG PAGKILALA MIEMBRO SANG KOMUNISTA, NAGSUNGKA

Share on facebook
Share on google
Share on pinterest
Share on twitter
Share on print
(Contributed Photo)

Nagsungka sa 94th Infantry Batallion sang 3rd Infantry Division sang Philippine Army ang mag-amay nga nagpakilala aktibo nga miembro sang komunista nga grupo.

Ang amay nga nagsungka ang ginkilala kay alyas Joker, 40 anyos samtang ang iya bata nga lalaki ang ginkilala kay alyas “Jacking”, 16 ang edad.

Suno kay Public Affairs Officer Army Captain Oliver Usog, nagsungka ang mag-amay bangud sang kabudlayan sang ila sitwasyon sa kabukiran.

Dugang pa ni Usog, ginpahayag sang amay nga bisan nanu ang matabo madakpan man sila sa gihapon sang mga suldado nga padayon ang lapnagon nga kampaniya sa mga lugar nga yara sa impluwensiya sang mga rebelde nga grupo.

Si Joker ang ginpahayag nga miembro sang Unit Militia samtang si Jacking naman isa ka medical officer sang Sentro De Gravidad (SDG) Platoon of the Central Negros Front 2.

Ginsungka sang amay ang isa kalibre 38 nga rebolber samtang ginsungka sang bata ang isa kalibre 30 springfield sniper rifle.

Pagpahayag ni Usog, si Jacking ang na-recruit sang mga rebelde sang ini ang 11 anyos pa lamang kag kalakip sa grupo nga naka-engkwentro sang mga suldado sadtong Abril 19, 2020 sa Sto. Tugas, Brgy. Carabalan syudad sang Himamaylan kun sa diin napatay so 2nd Lt. Ralf Amante Abibico kag duha ka iban pa nga suldado.  

Nagpasiguro ang Philippine Army nga buligan ang pagpreparar kag pagproseso sang application sang mag-amay sa Enhanced Comprehensive Local Integration Program (ECLIP). | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.