MAESTRA PATAY MATAPOS GIN SULOD SANG GINA PATIHAN KAWATAN ANG IYA BALAY

Share on facebook
Share on google
Share on pinterest
Share on twitter
Share on print

Patay na sang masapwan ang maestra sulod sang puloy-an sa Purok 10, Barangay Aguisan, Syudad sang Himamaylan kahapon nga adlaw, Myerkules.

Ang biktima ginkilala kay Cecilia Adorador, 55 anyos nagapuyo sa amo man nga lugar kag Manunodlo sang Aguisan Elementary School.

Suno kay PMaj Romeo Vargas, hepe sang Himamaylan PNP, dugoon ang biktima sa iya kwarto kag ginapatihan nga ginlampusan sang dumbbell sa ulo.

Dugang ni Vargas, nag-agi sa bintana ang mga suspetsado paagi sa pag-utod sang plastic screen sa sliding glass.

Natalupangdan man sang otoridad ang nagkalawas-ag nga gamit sang biktima sa sulod sang ila puloy-an.

Naga-isahanon nga naga – istar sa iya puloy-an kay ang mga anak sini yara sa abroad kag Bacolod.

May mga persons of interest na ang otoridad kag padayon pa ang imbestigasyon sa pakilala sa mga suspetsado. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.