MAAKOMODAR SA BOSS NAGSAKA SA 500 KADA ADLAW

Share on facebook
Share on pinterest
Share on twitter
Share on print

Nagsaka na sa 500 ka mga tawo ang ma akomodar sang Bacolod Permits and Licensing Office (PLO) sa nagapadayon nga Business One Stop Shop sa Ayala Malls Capitol Central.

Suno kay Stela Rose Rayos, pamuno sang PLO, nagligad nga Enero 11 sang ila ginpasakaan ang numero sang mga kliyente nga nagaproseso sang business permit humalin sa 300 pakadto sa 500.

Dugang pa ni Rayos, sa karon, wala sang mga mayor nga reklamo nga nabaton ang ila talatapan sa nagapadayon nga aktibidad.

Nagpasiguro man si Rayos nga istrikto man nga ginamonitor ang attendance sang mga Barangay sa BOSS para sa pagisyu sang Barangay Clearance.

Tinalikdan nga Biernes, may pito ka mga Barangay nga wala sang tiglawas sa BOSS.

Nagapakita man sa datus sang PLO, nga mas madamo ang nagapa appointment walk-in sa Ayala Mall kag Bacolod Government Center ikomparar sa Online.

May yara na sang 10, 750 ang narehistro nga Negosyo sa Bacolod tubtob Enero 15.

Ang BOSS ang magalawig tubtob Marso 31, 2021. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

CFAG TACULING NAGKAMPEON SA 2ND MAYOR ALBEE FIRE OLYMPICS

Nagkampeon ang Community Fire Auxillary Group ukon CFAG Taculing sa 2nd Mayor Albee Fire Olympics 2024 sa Bacolod Old Airport sang Lunes, Marso 18.

Ini ang isa sa mga aktibidad sa nagapadayon nga Fire Prevention Month sang BFP Bacolod.

Ginpahayag ni Fire Officer 1 Paul Servano, public information officer sang BFP Bacolod, nangibabaw sa kompetisyon ang CFAG Taculing, 2nd place naman ang CFAG Mansilingan, kag 3rd place ang nagkadto sa CFAG Tangub.

Nagpasakop man sa kompetisyon ang CFAG Pahanocoy, Singcang-Airport, kag Granada.

Suno kay Servano, ginahanas sang BFP ang mga CFAG nga kabahin sang Oplan Ligtas na Pamayanan nga programa bangud sila ang nagaserbe nga first responder sa tion sang emerhensya.

Nagapabilin sa walo ang CFAG sa bug-os nga Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

SEGURIDAD SANG JAPANESE NATIONALS SA PROBINSYA, GINPASIGURO NI GOV. LACSON

Ginpasiguro ni Governor Bong Lacson sa bag-o nga Consul General sang Japan sa Pilipinas nga si Hideaki Matsuo, ang proteksyon kag kaluwasan sang mga Japanese nationals sa Negros Occidental kag pagpasangkad sa relasyon sang probinsiya sa pungsod Japan.

Ini ang ginpahayag ni Lacson sa pagbisita ni Matsuo sa kapitolyo probinsiyal syudad sang Bacolod.

Ginpahibalo man sang gobernador ang resulta sang iya damlag lang nga pagbisita sa Japan, partikular sa partnership sang gobyerno probinsiyal , Houei Group kag OISCA International.

Suno kay Lacson, nalipay ang Consul General sa pagkilala sang mga Negrense sa kultura sang hapon, kag ginpasiguro ang padayon nga cultural exchange programs .

Si Matsuo ang nag-umpisa sa foreign service sang 1987 kag nagserbe na sa mga pungsod pareho sang Malaysia, Sri Lanka, Cambodia, Myanmar kag Australia.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.