LTO: REGIONWIDE TRICYCLE SUMMIT PATIGAYON SA BACOLOD

Share on facebook
Share on google
Share on pinterest
Share on twitter
Share on print

Madayon na sa maabot nga Oktubre 14 ang plano sang Land Transportation Office nga mag pagtigayon sang Regionwide Tricycle Summit sa siudad sang Bacolod. Ini ang gi kumpirmar ni LTO Regional Director Roland Ramos sa interview sang Aksyon Radyo. Suno kay Ramos gina paabot nga masobra satatlo ka libo ka mga opisyal kag mga representante halin sa nagkalain-lain nga Tricycle Operators and Drivers Association sa bilog nga Rehiyon 6 ang maga-pakigbahin sa amo nga aktibidad. Ang amo nga event ang patigayunon sa Negros Occidental Multi Purpose Gym ukon gina tawag sa karon nga nga Onyok Velasco Gym sa dalan Aguinaldo malapit sa NBI-Bacolod sa diin ang dinapit nga bisita amo si Special Assistant to the President Christopher Lawrence “Bong” Go.

POLICE STATION 9 NA AKTUHAN ANG MGA PAMATAN-ON NGA NAGPAMASYA SA MGA MOTORISTA SA BARANGAY SUM-AG

Ginkumpirmar sang kapulisan nga may grupo sang mga pamatan-on nga nagpang basya sang tubi sa mga motorista nga nagalabay sa taytay sang Barangay Sum-ag syudad sang Bacolod kadungan sang kapiestahan ni San Juan de Bautista, kaina sang udto, Hwebes.

Suno kay Police Station 9 Commander Police Major Ritchie Gohee, naga-inspeksiyon siya kag ang mga police personnel sang nakabaton sang tawag nga may mga kabataan nga may bitbit sang balde nga may unod sang tubi kag ginabasya sa mga naganilabay.

Ginrespondihan sang kapulisan ang lugar kag naaktuhan ang mga pamatan-on nga nagnilumpat sa suba matapos makita ang patrol sang kapulisan.

Kun madumduman, nagpagwa sang mando si Mayor Evelio Leonardia nga nagadumili sang basyahanay sang tubi kag iban pa nga aktibidad may angut sa kapiestahan ni San Juan de Bautista.

Samtang, ginpahayag naman ni Gohee nga compliant ang mga resort kag restaurant owners sa Barangay Punta Taytay syudad sang Bacolod.

Samtang, lubos nga gin pasalamatan ni Task Force Disiplina Action Officer Wilfredo Taba Geolingo ang gin pakita nga kooperasyon sang publiko angut sa selebrasyon sang ka piyestahan ni San Juan de Bautista.

Suno kay Geolingo, base sa ila gin patigayon nga operasyon kag monitoring sa mga beach resort lakip na sa mga kapehan kag kalan-an sa Barangay Granada kag Alangilan, gin klaro sini nga wala sila sang nakita nga ano man nga bayolasyon.

Dugang pa ni Geolingo, may yara gid man sang pila ka mga kabataan ukon mga menor de edad nga ila gin saway matapos magpaligo sa baybay ilabi na sa mga Barangay nga may yara sang nasakupan nga coastal area, apang ini nga concern ang ila gilayon naman nga gin aktuhan paagi sa pagpalab-ot sa atensyon sang natungdan nga mga ginikanan.| Aksyon John Diaz, Aksyon Art Tayhopon

PDEA: SIYAM KA DRUG GROUP LEADERS AKTIBO NGA NAGASUPLAY SANG DROGA SA BACOLOD KAG NEGROS OCCIDENTAL

Ginkumpirmar ni PDEA Negros Occ. Head, Nicholas Gomez, nga 9 ka mga drug group leaders ang aktibo nga nagasuplay sang ilegal nga droga sa syudad sang Bacolod kag Probinsya.

Sa interview sang Aksyon Radyo Bacolod kay Gomez, ginpahayag sini nga isa si Michael Divinagracia sa 9 ka mga drug group lider nga nagpanago kag napatay sa probinsya sang Rizal.

Dugang pa ni Gomez, nahibaluan sang ila ahensya ang ngalan sang 8 pa ka mga lider paagi sa rebelasyon sang mga nagkaladakpan sa buy-bust operation.

Kaangay sang istilo sadto ni Michael Divinagracia kag sang grupo sini, naglaylo kag ginpili sang mga drug group lider nga magpalayo sa syudad kag magtiner sa Luzon agud indi makita sang otoridad.

Ginpahayag ni Gomez ang bag-o nga istilo sang mga ilegalista, ina amo ang pagkuha sang bag-o nga drug personality nga ginahimo bilang bagsakan sang ilegal nga druga. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.