LTO REGION 6 TEMPORARYO NGA GIN-HOLD ANG FULL IMPLEMENTATION SANG SPEED LIMITER

Share on facebook
Share on google
Share on pinterest
Share on twitter
Share on print

Gin-hold temporaryo sang LTO Regional Office 6 ang “full implementation” sang Speed limiter sa mga bus, panel truck kag iban pa nga mga PUVs.

Suno kay LTO Bacolod City District Office Chief Reuben Tampos, sa pagpakig sapol sini tinalikdan nga semana sa regional office, nangangabay sa ila si LTO Regional Director Erick Lenard Tabaldo nga untaton temporaryo ang implementasyon sa speed limiter sa Western Visayas bangod wala pa nahanas ang motor vehicle inspectors kag wala pa mahibaluan kung sin-o ang accredited suppliers.

Dugang pa ni Tampos, bangod sa inasod asod nga aksidente sa dalanon, daku kon tani ang mabulig sang sini nga gadget sa mga truck drivers agud madisiplina kag makontrolar ang madasig nga pagpadalagan sang ila mga salakyan.

Samtang, ginkumpirmar ni Tampos nga handa na ang pondo para sa bag-o nga opisina sang LTO nga igapahamtang sa banwa sang E.B. Magalona.

Suno kay Tampos, 3 million pesos ang ginpain nga pondo sang Negros Occidental kag 3 million pesos man gikan sa pondo sa banwa sang EB Magalona.

Nagalaum si Tampos nga pagaumpisahan na ang proyekto agud maserbihan ang pomuluyo sang amo nga lugar kag mga kaiping pa nga banwa kag syudad sa Northern Negros. | Aksyon Alvin Grava

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.