LTO NAGKLARO NGA WALA SILA MAY GINAPATIGAYON NGA ‘MOBILE LICENSING SERVICES’

Share on facebook
Share on google
Share on pinterest
Share on twitter
Share on print

Ginklaro ni Atty. Gaudioso Geduspan, Director II LTO Region 6, nga wala sang otorisado nga mga persona nga magpatigayon sang ‘mobile licensing services’ ukon mga persona nga nagapamalay-balay agud mag-engganyo sa mga tawo nga magkuha sang driver’s license kag nagapangayo sang advance payment.  

Sa interview sa Aksyon Hotline, ginpahayag ni Geduspan nga amu man ang Chairman sang Anti-Red Tape Act (ARTA) kag Anti Fixing Campaign, 12 ka mga persona na ang ila nadakpan sa siudad kag probinsya sang Iloilo bangud sa amo nga kaso.

Suno kay Geduspan, magasaylo sila sang operasyon diri sa Bacolod matapos matukiban nga nagsaylo na diri sa siudad ang modus sang amo nga grupo. 

Ang mga madakpan sa amu nga modus ang mangatubang sang kaso sa idalom sang RA 9485 ukon Anti-Red Tape,  isa tubtub anum ka tuig nga pagka-preso kag 500,000 tubtub 2,000,000.00 pesos nga penalidad.  

Dugang pa ni Geduspan, ang mga persona nga makuhaan sang peke nga lisensya ang may yara man sang criminal liability. | Aksyon Dorel Cabatu

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

SIKAT NGA SUBA SA KAPITAN RAMON, SILAY CITY TEMPORARYO NGA GINPASIRA

(Lexplorations PH FB Page | Algene Bacotod Photo)

Temporaryo nga ginpasira sang LGU sang syudad sang Silay ang suba sa mga pangayaw sa Sitio Lupa, Barangay Kapitan Ramon, Silay bilang precautionary measure kontra Covid-19.

Sa interview sang Aksyon Radyo, ginpahayag ni Silay Mayor Mark Golez, ang ini nga tikang nag base man sa ordinansa sang syudad nga nagadumili sa mass gathering ukon pagtililipon.

Dugang pa ni Golez, ini ang inisyatibo man sang syudad kasunod nga narecord ang anum ka Covid-19 cases sa Kapitan Ramon bisan nga malayo na ini nga lugar.

Subong nga adlaw, Sabado, Mayo 8, sang nag umpisa ang temporary closure sang suba.

Base sa impormasyon ni Golez, 2 mil tubtob 3 mil ka mga tawo ang nagapadulong sa lugar kag iban sa ila ang gikan pa sa Kabankalan kag San Carlos.

Ginpahayag sang Alkalde, nga iya na gintugyanan ang Silay PNP nga magpahamtang sang checkpoint sa dalan padulong sa suba.

MORE STORIES:

LIKE US ON FB

error: Ooops... You are not authorized to copy this content.