LTO DISTRICT OFFICE, PATUKURON SA SIPALAY CITY

Share on facebook
Share on google
Share on pinterest
Share on twitter
Share on print

Ginkumpirmar ni LTO 6 Regional Director Roland Ramos nga pirmado na ni Presidente Rodrigo Duterte ang pagtukod sang panibag-o nga District Office sang amo nga talatapan sa syudad sang Sipalay.

Suno kay Ramos base sa ila inisyal nga plano ni 6th District Congresswoman Mercedez Alvarez, ila tinguhaan nga makaumpisa ang operasyon sang amu nga opisina antis pa man patigayunon ang midterm election sini nga tuig.

Isa man ini ka maayo nga development para sa ila mga kliyente nga residente sang kaiping nga mga banwa kag syudad nga ila maserbisyuhan sa palaabuton.

Dugang pa ni Ramos nga posible tatlo lamang ka mga regular nga personnel gikan sa Regional Office 6 ang mahimo igadestino sa amu nga lugar bangud kadam-an sini sa ila ang bag-o na hire nga mga empleyado sang LTO nga magalakip sang pila ka mga indibidwal nga iga rekomendar sang kongresista.

Plano ni Ramos nga magabisita sa syudad sang Sipalay sa palaabuton nga Lunes Enero 21 agud personal nga lantawon ang lugar nga natalana pahamtangan sang ila talatapan. | Aksyon Art Tayhopon

Photo: Rep. Alvarez FB Page

MORE STORIES:

LIKE US ON FB

error: Ooops... You are not authorized to copy this content.